ஜம்மு காஷ்மீர் சட்டசபை கூட்டத்தில் 370-வது பிரிவு தொடர்பான பேனர் காட்டப்பட்டதால் எம்எல்ஏக்கள் ரகளையில் ஈடுபட்டனர்.
ஜம்மு-காஷ்மீர் மாநிலத்தில் இன்று காலை சட்டமன்ற கூட்டம் தொடங்கியது. அப்போது மக்களவை எம்.பி.யான இன்ஜினீயர் ரஷித்தின் சகோதரர் குர்ஷித் அகமது ஷேக், 370வது சட்டப்பிரிவுக்கு ஆதரவான பேனரை காண்பித்தார்.
இதற்கு பாஜக உறுப்பினர்கள் கடும் எதிர்ப்பு தெரிவித்தனர். இதனையடுத்து எம்எல்ஏக்கள் ஒருவருக்கொருவர் கடும் வாக்குவாதம் செய்ததோடு தள்ளு முள்ளும் ஏற்பட்டது. இதையடுத்து, அமளி காரணமாக பேரவையை ஒத்திவைத்து சபாநாயகர் உத்தரவிட்டார்.
