திருநெல்வேலி அருகே காசோலை மோசடியில் ஈடுபட்ட காவலருக்கு ஒன்றரை வருடம் சிறை தண்டனை விதிக்கப்பட்டது.
கடந்த 2017-ம் ஆண்டு பணகுடியை சேர்ந்த தொழிலதிபரான ஜான் போஸ்கோ என்பவரிடம், பழவூர் காவல் நிலையத்தில் காவலராக பணியாற்றிய காவலர் அசோகன் என்பவர் 4 லட்சம் ரூபாய் கடன் வாங்கியதாக கூறப்படுகிறது.
இந்நிலையில் வாங்கிய கடனை திரும்ப கொடுக்காத அசோகன் காசோலை கொடுத்து மோசடியில் ஈடுபட்டுள்ளார். இது தொடர்பான வழக்கு வள்ளியூர் மாவட்ட கூடுதல் உரிமையியல் நீதிமன்றத்தில் நடைபெற்று வந்தது.
இந்நிலையில் குற்றம் நிரூபணமானதையடுத்து காவலர் அசோகனுக்கு ஒன்றரை ஆண்டுகள் சிறை தண்டனையும், 4 லட்சம் ரூபாய் அபராதமும் விதித்து நீதிமன்றம் தீர்ப்பு வழங்கியது.
