புதுக்கோட்டை மாவட்டம் கறம்பக்குடியில், பெண்களை கட்டி போட்டு 50 சவரன் நகைகளை பறித்து சென்ற முகமூடி கொள்ளையர்களை பிடிக்க மாவட்ட எஸ்பி உத்தரவின் பேரில் 4 தனிப்படைகள் அமைக்கப்பட்டுள்ளன.
இதுவரை சிசிடிவி கேமரா பதிவுகள் எதுவும் சிக்காததால் காவல்துறையினர் திணறி வருகின்றனர். அதேபோன்று கடந்த நான்கு நாட்களுக்கு முன்பு கந்தர்வகோட்டை பகுதியில் வீட்டிலிருந்த முதியவரை கத்தியால் வெட்டிவிட்டு 15 லட்ச ரூபாய் ரொக்கம் மற்றும் 6 சவரன் நகைகள் கொள்ளையடிக்கப்பட்ட விவகாரத்திலும் சிசிடிவி கேமரா பதிவு கிடைத்தும் கொள்ளையர்களின் முகம் சரியாக தெரியவில்லை.
இரண்டு கொள்ளை சம்பவங்களையும் ஒரே கும்பல் செய்துள்ளதா என்ற கோணத்தில் காவல்துறையினர் விசாரணை நடத்தி வருகின்றனர்.
