ராஜஸ்தானில் 7 சட்டப்பேரவை தொகுதிகளுக்கு நடைபெற்ற இடைத்தேர்தலில் 5 தொகுதிகளில் பாஜக வெற்றி பெற்றுள்ளது.
ராஜஸ்தான் மாநிலத்தின் ஜுன்ஜுனு, ராம்கர், தவுசா, தியோலி – உன்னியாரா, கின்வ்ஸார், சலும்பர் மற்றும் சொரசி ஆகிய 7 சட்டப்பேரவை தொகுதிகளுக்கு நவம்பர் 13-ம் தேதி இடைத்தேர்தல் நடைபெற்றது.
இதில் 5 தொகுதிகளின் எம்.எல்.ஏ-க்கள் மக்களவை உறுப்பினர்களாக தேர்ந்தெடுக்கப்பட்டதாலும், ராம்கர் மற்றும் சலும்பர் தொகுதிகளின் எம்.எல்.ஏ-க்கள் காலமானதாலும் இந்த தொகுதிகளுக்கு இடைத்தேர்ந்தல் நடத்தப்பட்டது.
இந்நிலையில் இன்று வாக்குகள் எண்ணப்பட்டு முடிவுகள் அறிவிக்கப்பட்டு வரும் நிலையில், 5 தொகுதிகளில் பாஜக அபார வெற்றி பெற்றுள்ளது. குறிப்பாக ஜுன்ஜுனு, ராம்கர், தியோலி – உன்னியாரா, கின்வ்ஸார், சலும்பர் ஆகிய 5 தொகுதிகளிலும் பாஜக வெற்றியை பதிவு செய்துள்ளது
