பொதுமக்களின் பாதுகாப்புக்கு அச்சுறுத்தலாக விளங்கும் HIDDEN CAMERA-க்களை எளிய முறையில், நமது செல்போன்களை பயன்படுத்தியே கண்டுபிடித்து விடலாம் என தொழில்நுட்ப வல்லுநர்கள் தெரிவித்துள்ளனர். அதுபற்றிய ஒரு செய்தித் தொகுப்பை தற்போது காணலாம்..!
தொலைதூர பயணங்களின்போது முன்பின் தெரியாத ஊரில் உள்ள விடுதிகளில், அறையெடுத்து தங்கும்போது, வணிக வளாகங்களில் உள்ள துணிக்கடைகளில், நாம் வாங்கும் துணிகளை TRIAL பார்க்கும்போது, அவசரகதியில் பொது கழிப்பிடங்களை பயன்படுத்தும்போது என பல தருணங்களில் நமது பாதுகாப்பிற்கு மிகப்பெரும் அச்சுறுத்தலாக இருப்பது HIDDEN CAMERA-க்கள்தான் என்பதை மறுப்பதற்கில்லை.
பொதுமக்களின் தனியுரிமையை பறிக்கும் HIDDEN CAMERA-க்களை பொருத்துவது சட்டவிரோதம் என்றபோதிலும், மோசடி செயல்களுக்கு உதவியாக அவைகளை மோசடி நபர்கள் பயன்படுத்துவது இன்றைய காலகட்டத்தில் வாடிக்கையாகிவிட்டது.
இந்த சூழலில் நாம் அனைவரும் விழிப்புடன் செயல்பட்டு, தனியுரிமை பறிக்கப்படும் இடத்தில் முரண்பாடுகளை கண்டறிந்து களையெடுப்பது அத்தியாவசியமாகிறது. அதனடிப்படையில், எளிதாக HIDDEN CAMERA-க்களை கண்டறியும் பல்வேறு தொழில்நுட்ப வசதிகள் மார்க்கெட்டுகளில் வந்திருப்பது உண்மைதான்.
ஆனால், அதையெல்லாம்தாண்டி நாம் அன்றாடம் பயன்படுத்தும் ஆண்டிராய்டு செல்போன்களை பயன்படுத்தியே அவற்றை கண்டறியலாம் என்றால் அது இன்னும் எளிமையான வழியல்லவா?
ஆம், பதுக்கி வைக்கப்படும் HIDDEN CAMERA-க்களை நமது ஆண்டிராய்டு செல்போன்களை பயன்படுத்தியே எளிய முறையில் கண்டுபிடிக்கலாம் என தொழில்நுட்ப வல்லுநர்கள் தெரிவித்துள்ளனர்.
ஆனால், அதற்கான சரியான வழிகளை தெரிந்து வைத்திருப்பதுதான் அவசியம் என கூறும் அவர்கள், செல்போன்களை பயன்படுத்தி HIDDEN CAMERA-க்களை கண்டுபிடிக்கும் 4 முக்கிய வழிமுறைகளையும் எடுத்துரைத்துள்ளனர்.
அதில் மிக எளிமையான வழி செல்போன் FLASH LIGHT-களை பயன்படுத்தி HIDDEN CAMERA-க்களை கண்டுபிடிப்பது. அறையின் விளக்குகளை அணைத்துவிட்டு சந்தேகத்திற்கிடமான பகுதிகளில் FLASH LIGHT-ஐ அடிக்க வேண்டும். அப்போது அங்கு HIDDEN CAMERA இருந்தால் FLASH LIGHT-ன் வெள்ளை ஒளி LENS-ல் பட்டு பிரதிபலிப்பதை வைத்து அவற்றை கண்டறியலாம்.
HIDDEN CAMERA-க்கள் மனித கண்களுக்கு புலப்படாத INFRA RED ஒளியை வெளிப்படுத்தும். ஆனால் நமது ஆண்டிராய்டு செல்போன்களில் உள்ள கேமராக்களை பயன்படுத்தி அவற்றை எளிதாக கண்டுபிடிக்க முடியும். அறையின் விளக்குகளை அணைத்துவிட்டு சந்தேகத்திற்கிடமான பகுதிகளை கேமரா மூலம் பார்த்தால், அங்கு HIDDEN CAMERA இருக்கும் பட்சத்தில் அதன் INFRA RED ஒளி கேமராவில் தென்பட்டுவிடும்.
மற்றோருபுறம் WIRELESS கருவிகளாக பயன்படுத்தப்படும் HIDDEN CAMERA-க்களுக்கு இணைய சேவை அவசியம் என்பதால், அங்குள்ள WIFI நெட்வொர்க்குகளுடன் அவை கட்டாயம் இணைக்கப்பட்டிருக்கும். எனவே உங்கள் செல்போன்களில் உள்ள WIFI வசதி மூலம் அருகாமையிலுள்ள இணைப்புகளை SCAN செய்து, அதில் தென்படும் எண்கள் மற்றும் சின்னங்களில் தொடங்கும் சந்தேகத்திற்கிடமான இணைப்புகளை எளிதாக கண்டுபிடிக்க முடியும்.
அதேபோல, HIDDEN CAMERA-க்களை கண்டறிய உதவும் பல செயலிகளும், தற்போது ஆண்டிராய்டு மற்றும் IOS பிளே ஸ்டோர்களில் கிடைக்கிறது என்பதால், அவற்றை பயன்படுத்தியும் HIDDEN CAMERA-க்கள் எங்கு வைக்கப்பட்டுள்ளது என்பதை கண்டறியலாம். குறிப்பாக DETECTIFY, HIDDEN IR CAMERA DETECTOR, HIDDEN SPY CAMERA FINDER PRO போன்ற செயலிகள் தொழில்நுட்ப வல்லுநர்களின் முக்கிய பரிந்துரைகளாக உள்ளன.
