காஞ்சிபுரம் மாவட்டம் ஸ்ரீபெரும்புதூரில் சாலையில் உயிரிழந்து கிடந்த குதிரை மீது கார் மோதி விபத்திற்குள்ளான நிலையில், பின்னால், அடுத்தடுத்து வாகனங்கள் மோதி நேரிட்ட விபத்தில் 5 பேர் காயமடைந்தனர்.
ஸ்ரீபெரும்புதூர் அடுத்த பென்னலூரில் உள்ள தேசிய நெடுஞ்சாலையில் ஏற்கெனவே குதிரையொன்று வாகனம் மோதி உயிரிழந்து கிடந்தது.
இந்நிலையில் சென்னை – பெங்களூரு தேசிய நெடுஞ்சாலையில் சென்ற கார் ஒன்று உயிரிழந்து கிடந்த குதிரையின் மீது மோதியது.
அப்போது கார் உட்பட பின்னால் வந்த 2 பேருந்துகளும், காலி மது பாட்டில்களை ஏற்றி வந்த லாரியும் அடுத்தடுத்து மோதி விபத்துக்குள்ளாகின. இந்த விபத்தில் ஐந்துக்கும் மேற்பட்டோர் காயமடைந்தனர்.
இதனால் சென்னை – பெங்களூரு தேசிய நெடுஞ்சாலையில் சென்னை செல்லும் மார்க்கத்தில் போக்குவரத்து நெரிசல் ஏற்பட்டது.
