விருதுநகரில், தலைக்கவசம் அணியாமல் வந்தவர்களுக்கு தலைக்கவசம் வழங்கியதுடன், அவர்களுக்கு அபராதம் விதிக்க போக்குவரத்து காவல்துறையினருக்கு மாவட்ட ஆட்சியர் அறிவுறுத்தினார்.
விருதுநகர் வட்டார போக்குவரத்துறை சார்பில் சாலை பாதுகாப்பு விழிப்புணர்வு பேரணி நடைபெற்றது. இந்த விழிப்புணர்வு பேரணியை மாவட்ட ஆட்சியர் ஜெயசீலன் கொடியசைத்து துவக்கி வைத்தார்.
இதில் 200க்கும் மேற்பட்ட போலீசார் மற்றும் இருசக்கர வாகன விற்பனையாளர்கள் கலந்து கொண்டு, சாலை பாதுகாப்பு குறித்து விழிப்புணர்வு வாசகங்கள் அடங்கிய பதாகைகளை ஏந்திய படி பொதுமக்களுக்கு விழிப்புணர்வை ஏற்படுத்தினர்.
அப்போது, இருசக்கர வாகனத்தில் தலைக்கவசம் அணியாமல் வந்த நபர்களுக்கு புதிய தலைக்கவசம் வழங்கிய மாவட்ட ஆட்சியர், அவர்களுக்கு அபராதம் விதிக்குமாறு போக்குவரத்து போலீசாரை கேட்டுக் கொண்டார்.
