சிறுமியின் இறப்புக்கு காரணமான வாகன உரிமையாளரை கைது செய்யக்கோரி கடலூர் அரசு மருத்துவமனை பிணவறை எதிரே உறவினர்கள் போராட்டத்தில் ஈடுபட்டனர்.
திருப்பனாம்பாக்கம் பகுதியை சேர்ந்த சிவப்பிரகாசம் என்பவரின் ஐந்து வயது மகள் பிரதிக்ஷா தெருவில் விளையாடிக் கொண்டிருந்தபோது டிராக்டர் மோதி சம்பவ இடத்திலேயே உயிரிழந்தார்.
இதனையடுத்து, போலீசார் சிறுமியின் உடலை கைப்பற்றியதுடன், டிராக்டர் ஓட்டுநர் அருள்தாஸ் என்பவரையும் கைது செய்தனர்.
இந்நிலையில், ஆவணங்கள் இல்லாமல் டிராக்டர் வைத்திருந்த டிராக்டரின் உரிமையாளரை கைது செய்யக்கோரி சிறுமியின் உறவினர்கள் உள்பட 50க்கும் மேற்பட்டோர் அரசு மருத்துவமனை பிணவறை எதிரே அமர்ந்து போராட்டத்தில் ஈடுபட்டனர்.
