2021-22ம் நிதியாண்டில் 36 ஆயிரத்து 50 கோடியாக இருந்த தமிழக அரசின் டாஸ்மாக் வருமானம், தற்போது 48 ஆயிரத்து 344 கோடியாக அதிகரித்துள்ளது.
தமிழக அரசின் டாஸ்மாக் வருமானம் குறித்து மதுவிலக்கு மற்றும் ஆயத்தீர்வை துறை செய்திக்குறிப்பு வெளியிட்டுள்ளது.
கடந்த 2021-22ம் நிதியாண்டில் 36 ஆயிரத்து 50 கோடியாக இருந்த டாஸ்மாக் வருமானம்,2022-23ம் நிதியாண்டில் 44 ஆயிரத்து 121 கோடி ரூபாயாக உயர்ந்தது.
தொடர்ந்து 2023-24ம் நிதியாண்டில் 45 ஆயிரத்து 855 கோடியாக அதிகரித்த டாஸ்மாக் வருமானம், இந்த நிதியாண்டில் 48 ஆயிரத்து 344 கோடி ரூபாயாக உயர்ந்துள்ளது.
டாஸ்மாக் வருமானம் கடந்த நிதியாண்டைக் காட்டிலும் தற்போது 2 ஆயிரத்து 489 கோடி ரூபாய் அதிகரித்துள்ளது.
திமுக அரசு பொறுப்பேற்றதில் இருந்து தற்போது வரை, டாஸ்மாக் வருமானம் 12 ஆயிரத்து 294 கோடி ரூபாய் உயர்ந்துள்ளது குறிப்பிடத்தக்கது.
