அமெரிக்காவும், சீனாவும் பரஸ்பர வரி விதிப்பை 90 நாட்களுக்கு நிறுத்தி வைக்க ஒப்புக்கொண்டுள்ளன.
அமெரிக்க அதிபராக டொனால்டு டிரம்ப் பதவியேற்றது முதல் பல்வேறு அதிரடி நடவடிக்கைகளை எடுத்து வருகிறார். குறிப்பாக, பல நாடுகளுக்கான இறக்குமதி வரியை உயர்த்தினார். பதிலுக்குச் சீனாவும் அமெரிக்கப் பொருட்களுக்கான இறக்குமதி வரியை உயர்த்தியது.
இரு நாடுகளும் மாறி மாறி வரிகளை உயர்த்திக் கொண்டே போன நிலையில், தற்போது அமெரிக்காவும் – சீனாவும் பரஸ்பர வரிகளை 90 நாட்கள் நிறுத்தி வைக்க ஒப்புக்கொண்டுள்ளன.
சீன அதிகாரிகள் உடனான ஆலோசனைக்குப் பிறகு அமெரிக்கக் கருவூல செயலாளர் ஸ்காட் பெசென்ட் இந்த அறிவிப்பை வெளியிட்டார்.
தொடர்ந்து பேச்சுவார்த்தை நடத்தி இரு நாடுகளும் வரிகளை மேலும் குறைக்க ஒப்புக் கொண்டதாகத் தகவல் வெளியாகியுள்ளது.
