கோத்தகிரி அருகே கடன் நிலுவை தொகையை செலுத்த தாமதப்படுத்திய வாடிக்கையாளரை தனியார் நிதி நிறுவன மேலாளர் தாக்கிய வீடியோ இணையத்தில் வெளியாகி அதிர்ச்சியை ஏற்படுத்தியுள்ளது.
நீலகிரி மாவட்டம், கோத்தகிரி அருகே கன்னேரிமுக்கு பகுதியைச் சேர்ந்த போஜ்குமார் என்பவர் தனது மகளின் படிப்புக்காக தனியார் நிதி நிறுவனத்தில் 4 லட்சம் ரூபாய் கடன் பெற்றுள்ளார். கடந்த இரண்டு ஆண்டுகளாக கடனை முறையாக செலுத்தி வந்த நிலையில், ஜுன் 10ஆம் தேதி செலுத்த வேண்டிய தொகையை கட்ட தாமதமானதாக தெரிகிறது.
இந்நிலையில், போஜ்குமார் வீட்டிற்கு வந்த தனியார் நிதி நிறுவன மேலாளர் மற்றும் ஊழியர்கள் கடன் தவணையை உடனடியாக செலுத்துமாறு கேட்டு வாக்குவாதத்தில் ஈடுபட்டுள்ளனர்.
2 நாட்களில் தவணை தொகையை செலுத்துவதாக கூறியும், போஜ்குமாரை தகாத வார்த்தைகளால் பேசிய நிதி நிறுவன மேலாளர், அவரை தாக்கவும் செய்துள்ளார். இந்த வீடியோ தற்போது இணையத்தில் வைரலாகி வருகிறது.
