இளநிலை மருத்துவ படிப்புகளுக்கான நீட் தேர்வில் தமிழக மாணவர் சூர்ய நாராயணன் அகில இந்திய அளவில் 27 வது இடத்தை பிடித்து அசத்தியுள்ளார்.
2025-26 ஆம் கல்வி ஆண்டுக்கான இளநிலை மருத்துவப் படிப்புகளில் மாணவர் சேர்க்கைக்கான நீட் தேர்வு, கடந்த மே மாதம் 4 ஆம் தேதி நடைபெற்றது.
இந்நிலையில் தேர்வு முடிவுகளைத் தேசிய தேர்வு முகமை வெளியிட்டது. தமிழகத்தில் மொத்தம் ஒரு லட்சத்து 35 ஆயிரத்து 715 பேர் நீட் தேர்வு எழுதியிருந்த நிலையில், 76 ஆயிரத்து 181 பேர் தேர்ச்சி பெற்றுள்ளனர்.
அதில் தமிழக மாணவர் சூரிய நாராயணன் அகில இந்திய அளவில் 27 வது இடமும், தமிழக அளவில் முதலிடத்தையும் பிடித்து அசத்தியுள்ளார்.
மேலும் நீட் தேர்வில் தேர்ச்சி பெற்றவர்களின் முதல் 100 இடங்களில் தமிழக மாணவர்கள் 6 பேர் இடம்பெற்று அசத்தியுள்ளனர்.
