ஈரானில் இருந்து தாயகம் திரும்பிய மீனவர்கள் – சால்வை அணிவித்து வரவேற்றார் நயினார் நாகேந்திரன்!

ஈரானில் இருந்து தாயகம் திரும்பிய மீனவர்களை பாஜக மாநில தலைவர் நயினார் நாகேந்திரன் வரவேற்றார்.

இஸ்ரேல் – ஈரான் இடையே 12 நாட்களாக கடும்போர் நடைபெற்று வந்தது. இதன் காரணமாக ஈரானில் தமிழக மீனவர்கள் சிக்கித் தவித்து வந்தனர்.

இந்நிலையில்  ஈரானில் பந்தர் இ.சிறுயியா (Bandar-e-Chiruiyeh) மற்றும் கிஷ் (kish) தீவில், தென் தமிழகத்தைச் சேர்ந்த 15 இந்திய மீனவர்கள் சிக்குண்டனர்.

அவர்களை பத்திரமாக மீட்க  வேண்டும் என பிரதமர் மோடி,  மத்திய வெளியுறவுத்துறை அமைச்சர் ஜெய்சங்கருக்கு  கடந்த ஜூன் மாதம் 28-ஆம் தேதி தமிழக பாஜக சார்பில் நயினார் நாகேந்திரன் கடிதம் எழுதினார்.

தமிழக பாஜக-வின் சீரிய முன்னெடுப்பிலும் பயணச் செலவிலும் மத்திய வெளியுறவுத்துறை அமைச்சகத்தின் உதவியுடன்  சென்னை விமான நிலையம் வந்தடைந்த அவர்களை சால்வை அணிவித்து நயினார் நாகேந்திரன் வரவேற்றார். பின்னர் அவர்கள் சொந்த ஊர்களுக்கு அனுப்பி வைக்கப்பட்டனர்.