விஜய் மில்டன் இயக்கும் புதிய படத்தின் மூலம் ராப் பாடகர் வேடன் தமிழில் இசையமைப்பாளராக அறிமுகமாக உள்ளார்.
கடந்த 2020-ம் ஆண்டு முதல் மலையாள சினிமாவில் ராப் பாடகராக வலம் வந்துக்கொண்டிருக்கும் வேடன், எழுதிப் பாடிய மஞ்சுமல் பாய்ஸ் படத்தில் இடம்பெற்ற குதந்த்ரம் எனும் பாடல் மலையாளத்தைக் கடந்து தமிழ் ரசிகர்களிடையேயும் பிரபலமானது.
இந்நிலையில் இயக்குநர் விஜய் மில்டன் இயக்கும் புதிய படத்தின் மூலம் தமிழில் இசையமைப்பாளராக ராப் பாடகர் வேடன் அறிமுகமாக உள்ளார். இப்படத்தில் பரத், ஆரி அர்ஜுனன், அம்மு அபிராமி உள்ளிட்டோர் நடிக்க உள்ளதாகத் தகவல் வெளியாகி உள்ளது.
