மீண்டும் பயன்படுத்தக்கூடிய ராக்கெட் தொழில்நுட்பத்தில் வெற்றியடைந்த 2வது நிறுவனமாக ஜெஃப் பெஸோஸின் Blue Origin மாறியுள்ளது.
சூரியனிலிருந்து நான்காவது கோள் மற்றும் சூரிய குடும்பத்தில் இரண்டாவது சிறிய கோள் செவ்வாய். அதன் மேற்பரப்பில் உள்ள இரும்பு ஆக்சைடு காரணமாகச் சிவப்பு நிறத்தில் இருப்பதால் சிவப்பு கிரகம் என்றும் அழைக்கப்படுகிறது.
ஒரு காலத்தில் பூமியை போலவே நீர் நிரம்பிய, உயிர்கள் வாழத் தகுதியான நீல நிற கிரகமாக இருந்திருக்கலாம் எனவும் ஆய்வுகள் கூறுகின்றன. இத்தகையை பல்வேறு மர்மங்களை கொண்ட செவ்வாய் கிரகத்திற்கு லேண்டர்கள், ரோவர்கள் மற்றும் ஆர்பிட்டர்களை அனுப்பி விண்வெளி நிறுவனங்கள் ஆய்வு செய்து வருகின்றன.
அந்தவகையில், ஜெஃப் பெஸோஸுக்கு சொந்தமான விண்வெளி நிறுவனமான ப்ளூ ஆரிஜின், நாசாவின் ‘ESCAPADE’ என்ற இரு விண்கலன்களை செவ்வாய் கிரகத்தை நோக்கி ஏவியது.
அதன் பிறகு, Blue Origin நிறுவனத்தின் New Glenn ராக்கெட் பூஸ்டர் அட்லாண்டிக் பெருங்கடலில் வெற்றிகரமாகத் தரையிறங்கியது.
செவ்வாயின் வளிமண்டலம் சூரிய காற்றினால் எவ்வாறு அரிக்கப்படுகிறது என்பதை செயற்கைக்கோள்கள் ஆய்வு செய்ய உள்ளன.
