சீனாவில் பழுதான இரண்டரை கிலோ மீட்டர் சாலையை 6 மணி நேரத்தில் சரி செய்து சாதனை படைக்கப்பட்டுள்ளது.
தொழில்நுட்பத்தில் முன்னிலை வகிக்கும் சீனா, ஒவ்வொரு செயலிலும் பிரமாண்டமாகவும், புதிய தொழில்நுட்பங்களை பயன்படுத்தியும் உலகிற்கு தன்னை தனித்துவமாகக் காட்டி வருகிறது.
அந்த வகையில் சீனாவின் பெய்ஜிங்கில் பழுதான இரண்டரை கிலோ மீட்டர் சாலையை 6 மணி நேரத்தில் சீர் செய்து அந்நாடு சாதனை படைத்துள்ளது.
குறுகிய காலஅவகாசமான ஆறு மணி நேரத்தில் தொழிலாளர்கள் பழைய சாலையை அகற்றி 8 ஆயிரம் டன் நிலக்கீல் எனப்படும் தாரைக் கொண்டு புதிய சாலை அமைத்துள்ளனர்.
இந்தச் சாதனை சீனாவின் கட்டுமானத் திறமை மற்றும் திட்டமிடல் வேகத்தை வெளிப்படுத்தும் வகையில் அமைந்துள்ளது.
நகர்ப்புறங்களில் போக்குவரத்துக்கு இடையூறு ஏற்படாமல், சாலைகளை விரைவாகச் சரிசெய்வதில் இந்தப் புதிய வேகம் ஒரு முன்னுதாரணமாக உள்ளது.
