உடல்நலக்குறைவால் மருத்துவமனையில் சிகிச்சை பெற்று வரும் பாஜக மூத்த தலைவர் எச்.ராஜாவை நடிகர் ரஜினிகாந்த் நேரில் சென்று நலம் விசாரித்தார்.
சென்னையில் கடந்த சனிக்கிழமை நடைபெற்ற நிகழ்ச்சி ஒன்றில் பங்கேற்ற பாஜக மூத்த தலைவர் எச்.ராஜாவுக்கு திடீரென உடல்நலக்குறைவு ஏற்பட்டது.
இதையடுத்து அவர் கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்ட நிலையில் சிகிச்சை பெற்று வருகிறார்.
இதனிடையே, எச்.ராஜாவுக்கு பக்கவாதம் ஏற்பட்டுள்ளதாகவும், அவருக்கு தொடர் சிகிச்சை அளிக்கப்பட்டு உடல்நலம் தேறி வருவதாகவும் மருத்துவமனை தரப்பில் அறிக்கை வெளியிடப்பட்டது.
அதனைத்தொடர்ந்து, மருத்துவமனையில் சிகிச்சை பெற்று வரும் எச்.ராஜாவை அரசியல் தலைவர்கள் நேரில் சந்தித்து நலம் விசாரித்து வருகின்றனர்.
இந்நிலையில், நடிகர் ரஜினிகாந்த் நேரில் சென்று சந்தித்து நலம் விசாரித்தார்.
