ஐபிஎல் தொடரின் லீக் ஆட்டத்தில் பெங்களூருவை வீழ்த்தி ஹைதராபாத் அணி அபார வெற்றி பெற்றுள்ளது.
நடப்பு ஐபிஎல் தொடர் இறுதிக் கட்டத்தை எட்டியுள்ளது. இந்நிலையில் ஏற்கனவே ப்ளே ஆஃப் சுற்றுக்கு முன்னேறியுள்ள பெங்களூரு மற்றும் ஹைதராபாத் அணிகள் தங்களது கடைசி லீக் ஆட்டத்தில் பலப்பரீட்சை நடத்தின. ஹைதராபாத் அணி டாஸை வென்று பேட்டிங்கை தேர்வு செய்தது. விறுவிறுப்பாக நடைபெற்ற ஆட்டத்தில் இஷான் கிஷன் 79 ரன்கள் விளாசினார்.
20 ஓவர்கள் முடிவில் ஹைதராபாத் அணி 4 விக்கெட்டுகளை இழந்து 255 ரன்கள் குவித்தது. இதையடுத்து 256 ரன்கள் இலக்குடன் பெங்களூரு அணி பேட்டிங் செய்தது. தொடக்க ஆட்டக்காரர்களாக களமிறங்கிய விராட் கோலி 15 ரன்களும், வெங்கடேஷ் ஐயர் 44 ரன்களும் அடித்து அவுட் ஆகினர்.
ஆட்ட முடிவில் பெங்களூரு அணியால் 200 ரன்கள் மட்டுமே அடிக்க முடிந்தது. இதன்மூலம் ஹைதராபாத் அணி, 55 ரன்கள் வித்தியாசத்தில் வெற்றி வாகை சூடியது. இருப்பினும் புள்ளிப்பட்டியலில் பெங்களூரு அணி முதலிடத்திலும் ஹைதராபாத் அணி 3வது இடத்திலும் தொடர்ந்து நீடிக்கின்றன.
