இந்திய கிரிக்கெட் அணி வெஸ்ட் இண்டீசில் சுற்றுப்பயணம் மேற்கொண்டு 2 டெஸ்ட், 3 ஒருநாள், 5 டி20 போட்டிகள் கொண்ட தொடரில் விளையாடி வருகிறது. முன்னதாக டெஸ்ட் தொடரை 1 – 0 என்ற கணக்கில் இந்தியா கைப்பற்றிய நிலையில் 3 போட்டிகள் கொண்ட ஒருநாள் தொடர் நடைபெற்று வருகிறது. இந்த 2 போட்டிகள் முடிவில் 1-1 என தொடர் சமநிலையில் உள்ளது. இந்நிலையில் இவ்விரு அணிகள் இடையிலான 3வது ஒருநாள் போட்டி இன்று நடக்க இருக்கிறது.
அடுத்ததாக இந்திய அணி வெஸ்ட் இண்டீசுக்கு எதிராக 5 போட்டிகள் கொண்ட டி20 தொடரில் விளையாடவுள்ளது. வரும் 3ம் தேதி தொடங்கும் டி20 தொடருக்கான இந்திய அணி, ஹர்த்திக் பாண்ட்யா தலைமையில் இளம் வீரர்களை கொண்டு அறிவிக்கப்பட்டுள்ளது.
ரோகித், கோலி, ஜடேஜா போன்ற முன்னணி வீரர்களுக்கு ஓய்வு அளிக்கப்பட்டுள்ளது. இந்நிலையில் டி20 தொடருக்கான வெஸ்ட் இண்டீஸ் அணியை அந்நாட்டு கிரிக்கெட் நிர்வாகம் அறிவித்துள்ளது. ஷாய் ஹோப் மற்றும் ஓஷேன் தாமஸ் ஆகியோர் அணியில் சேர்க்கப்பட்டுள்ளனர். ஒருநாள் தொடரில் இடம் பெறாத பூரன், ஹோல்டர் ஆகியோர் டி20 அணியில் இடம் பெற்றுள்ளனர்.
