மகளிர் இட ஒதுக்கீட்டு மசோதா நிறைவேற்றம் !

மகளிர் இட ஒதுக்கீட்டு மசோதா நிறைவேறிய நிலையில் பெண் நாடாளுமன்ற உறுப்பினர்கள் பிரதமரைச் சந்தித்து வாழ்த்துப் பெற்றனர்.

லோக்சபா மற்றும் மாநில சட்டசபைகளில் பெண்களுக்கு, 33 சதவீதம் இட ஒதுக்கீடு அளிக்கும் மகளிர் இட ஒதுக்கீடு மசோதா, லோக்சபாவில் நேற்று நிறைவேறியது. மசோதாவுக்கு, 454 பேர் ஆதரவாகவும், இரண்டு பேர்கள் எதிராகவும் வாக்களித்தனர்.

வரலாற்றுச் சிறப்புமிக்க மகளிர் இட ஒதுக்கீட்டு மசோதா ”பெண் சக்தி வணக்கம்  சட்டம்“ நேற்று இரவு நாடாளுமன்றத்தில் நிறைவேற்றப்பட்டது, குறித்து பெண் நாடாளுமன்ற உறுப்பினர்கள்  பிரதமர் நரேந்திர மோடியைச் சந்தித்து தங்கள் மகிழ்ச்சியை வெளிப்படுத்தினர்.

Had the honor of meeting our dynamic women MPs who are absolutely thrilled at the passage of the Nari Shakti Vandan Adhiniyam.

It is gladdening to see the torchbearers of change come together to celebrate the very legislation they have championed.

With the passage of the Nari… pic.twitter.com/et8bukQ6Nj

— Narendra Modi (@narendramodi) September 21, 2023

இது குறித்து எக்ஸ் சமூக வலைத்தளத்தில் பிரதமர் வெளியிட்டுள்ள பதிவில்,

“பெண் சக்தியை வணங்கும் சட்டம்“ நிறைவேறியதில் பெருமகிழ்ச்சி அடைந்த நமது துடிப்பான பெண் நாடாளுமன்ற உறுப்பினர்களைச் சந்திக்கும் பாக்கியம் கிடைத்தது.

மாற்றத்தின் தீபங்களை ஏந்தியவர்கள், ஒன்றிணைந்து தாங்கள் முன்னெடுத்த சட்டத்தைக் கொண்டாடுவது மகிழ்ச்சியளிக்கிறது.

நாரி சக்தி வந்தன் அதினியம் நிறைவேற்றப்பட்டதன் மூலம், இந்தியா ஒரு பிரகாசமான, அனைவரையும் உள்ளடக்கிய எதிர்காலத்தின் விளிம்பில் நிற்கிறது, இந்த மாற்றத்தின் மையமாக நமது மகளிர் சக்தி உள்ளது” எனத் தெரிவித்துள்ளார்.