மதுரையில் உள்ள திருமலை நாயக்கர் மகாலைப் புதுப்பிக்கும் பணியை நேரில் ஆய்வு செய்ய, பொதுப்பணித்துறை, நெடுஞ்சாலைகள் மற்றும் சிறு துறைமுகங்கள் துறை அமைச்சர் எ.வ.வேலு புன்னகையுடன் வருகை தந்தார்.
மாவட்ட ஆட்சியர் சங்கீதா, திருக்கோவில் அதிகாரிகள் எல்லாரும் அமைச்சரை அன்புடன் வரவேற்று, திருமலை நாயக்கர் மகாலைப் புதுப்பிக்கும் இடத்திற்கு அழைத்துச் சென்றனர்.
ஆய்வுப் பணி முடிந்த கையோடு, பிரஸை சந்தித்த அமைச்சர் வேலு மூச்சு விடாமல் திமுக புராணம் பாடினார்.
அவரது பேச்சைக் கேட்டுக் கொண்டிருந்த போதே. யாரும் எதிர்பாராத வகையில், அங்குள்ள கட்டுமானம் திடீரென உடைந்தது.
இதில், அதிகாரி ஒருவர் நிலைதடுமாறி கீழே தொபுக்கடீர் என விழுந்தார். அருகிலிருந்தவர்கள் ஓடிச் சென்று அவரை தாங்கிப்பிடித்தனர்.
இதை அருகில் நின்று வேடிக்கை பார்த்துக் கொண்டிருந்த அமைச்சர் எ.வ.வேலுவுக்கு வியர்த்து வேர்த்துப் பூத்துவிட்டது. நல்ல வேளை நான் பிழைத்துக் கொண்டேன் என்ற ரேஞ்சில் நூலிழையில் உயிர் தப்பினார்.
அந்த நிமிடமே, தோளில் போட்டிருந்த துண்டை எடுத்து, வியர்த்துப்போன முகத்தை துடைத்துவிட்டு, உள்ளே வந்த வேகத்தைவிட வெளியே செல்லும் போது மின்னல் வேகத்தில் சென்று மறைந்தார்.
சாமி இல்லை, சனாதனம் இல்லை எனச் சொல்லிவிட்டு, பக்தியே இல்லாமல் புனிதமான கோவிலுக்கு வந்தால் இப்படித்தான் நடக்கும்.
மனிதனுக்கு மரியாதைதர தேவையில்லை. கடவுளுக்காவது மரியாதை வேண்டாமா எனக் கோவிலுக்குச் சுவாமி கும்பிட வந்த பக்தர்களின் முணுமுணுப்பு அதிகமாகவே இருந்தது.
