ஒரு நாள் உலகக்கோப்பை கிரிக்கெட் 12 வது போட்டியில் இந்தியா 7 விக்கெட்கள் வித்தியாசத்தில் பாகிஸ்தானை வீழ்த்தியது.
ஒரு நாள் கிரிக்கெட் உலகக்கோப்பைத் தொடரில் இந்தியா மற்றும் பாகிஸ்தான் அணிகள் நேற்று விளையாடியது.
கலை நிகழ்ச்சிகளுடன் தொடங்கிய இந்தப் போட்டியில் டாஸ் வென்ற இந்திய அணியின் தலைவர் ரோஹித் சர்மா பந்துவீச்சை தேர்வு செய்தார். அதன்படி பாகிஸ்தான் அணி முதலில் பேட்டிங் செய்தது.
பாகிஸ்தான் அணியின் தொடக்க வீரர்களாக அப்துல்லா ஷபீக் மற்றும் இமாம்-உல்-ஹக் ஆகியோர் களமிறங்கினர். இதில் 8 வது ஓவரில் அப்துல்லா ஷபீக் 24 பந்துகளில் 20 ரன்களை எடுத்து சிராஜ் பந்தில் ஆட்டமிழந்தார்.
அடுத்ததாக இமாம்-உல்-ஹக் 38 பந்துகளில் 36 ரன்களை எடுத்து ஹர்திக் பாண்டியா பந்தில் ஆட்டமிழந்தார். இவர்களை தொடர்ந்து களமிறங்கிய பாபர் அசாம் மற்றும் ரிஸ்வான் கூட்டணி சிறப்பாக விளையாடி வந்த நிலையில் பாபர் ஆசாம் 58 பந்துகளில் அரைசதம் அடித்து சிராஜ் பந்தில் ஆட்டமிழந்தார். ரிஸ்வான் 69 பந்துகளில் 49 ரன்களை எடுத்து பும்ரா பந்தில் ஆட்டமிழந்தார்.
அடுத்து களமிறங்கிய பாகிஸ்தான் வீரர்கள் அனைவரும் 2, 4, 6 என ஒரு இலக்கு ரன்களில் ஆட்டமிழந்தனர். இதனால் பாகிஸ்தான் அணி 23 வது ஓவரில் அனைத்து விக்கெட்களையும் இழந்து 191 ரன்களை மட்டுமே எடுத்தது.
இந்தியா அணியில் பும்ரா, ஹர்திக் பாண்டியா, ஜடேஜா, சிராஜ், குலதீப் யாதவ் என அனைவரும் தலா 2 விக்கெட்களை வீழ்த்தனர்.
192 ரன்கள் எடுத்தால் வெற்றி என்ற இலக்குடன் இந்தியா அணியின் தொடக்க வீரர்கள் ரோஹித் சர்மா மற்றும் கில் களமிறங்கினர்.
சுப்மன் கில் 4 பௌண்டரீஸ் அடித்து 11 பந்துகளில் 16 ரன்களுடன் ஆட்டமிழந்தார். அடுத்து களமிறங்கிய விராட் கோலி 3 பௌண்டரீஸ் அடித்து 18 பந்துகளில் 16 ரன்களுடன் ஆட்டமிழந்தார்.
பேட்டிங்கில் அதிரடியை காண்பித்த ரோஹித் சர்மா 6 பௌண்டரீஸ் 6 சிக்சர்கள் அடித்து 63 பந்துகளில் 86 ரன்களோடு ஆட்டமிழந்தார்.
அடுத்து களமிறங்கிய ஸ்ரேயாஸ் ஐயர் நிதானமாக விளையாடி 62 பந்துகளில் 52 ரன்களையும் கே.எல்.ராகுல் 19 ரன்களும் எடுத்து கடைசி வரை ஆட்டமிழக்காமல் இருந்தார்.
இந்தியா 30 வது ஓவரில் 3 விக்கெட்கள் இழப்பிற்கு 192 ரன்களை எடுத்து வெற்றி வாகை சூடியது.
இந்த போட்டியில் ஆட்டநாயகன் விருது 7 ஓவர்களில் 19 ரன்களை கொடுத்து 2 விக்கெட்களை எடுத்த பும்ராவுக்கு வழங்கப்பட்டது.
