உலகக்கோப்பை கிரிக்கெட் : ஆப்கானிஸ்தான் அபார வெற்றி !

உலகக்கோப்பைத் தொடரில் 69 ரன்கள் வித்தியாசத்தில் ஆப்கானிஸ்தான் அணி இங்கிலாந்து அணியை வீழ்த்தியது.

ஒரு நாள் உலகக்கோப்பை கிரிக்கெட் தொடர் இந்தியாவில் நடைபெற்று வருகிறது. இதில் நேற்றையப் போட்டி டெல்லியில் உள்ள அருண் ஜெட்லி மைதானதில் இங்கிலாந்து மற்றும் ஆப்கானிஸ்தான் அணிகளுக்கு இடையே நடைபெற்றது.

இதில் டாஸ் வென்ற இங்கிலாந்து அணி பந்துவீச்சை தேர்வு செய்தது. இதன் படி முதலில் ஆப்கானிஸ்தான் அணி பேட்டிங் செய்தது.

ஆப்கானிஸ்தான் அணியின் தொடக்க வீரர்களாக ரஹ்மானுல்லா குர்பாஸ் மற்றும் இப்ராஹிம் சத்ரான் களமிறங்கினர். இருவரும் சிறப்பாக விளையாடி வந்த நிலையில் இவர்களின் பாட்னெர்ஷிப் 100 ரன்களை கடந்தது.

இங்கிலாந்து பந்துவீச்சாளர்கள் எவ்வளவு முயற்சி செய்தும் இவர்களின் பாட்னெர்ஷிப்பை பிரிக்க முடியாமல் இருந்த போது 16 வது ஓவருக்கு அடில் ரஷித் பந்துவீசினார்.

16 வது ஓவரின் 4 வது பந்தை இப்ராஹிம் சத்ரான் ஓங்கி அடிக்க அந்த பந்து ரூட் கைக்கு சென்றது. இதனால் இப்ராஹிம் சத்ரான் 48 பந்துகளில் 28 ரன்களை எடுத்து ஆட்டமிழந்தார். அடுத்ததாக விளையாடி வந்த ரஹ்மானுல்லா குர்பாஸ் அரைசதம் எடுத்த நிலையில் சதம் எடுப்பார் என்று எதிர்பார்க்கப் பட்டது, ஆனால் 80 ரன்களுக்கு ஆட்டமிழந்தார்.

அடுத்ததாக களமிறங்கிய வீரர்கள் எல்லாம் சொற்ப ரன்களுக்கு ஆட்டமிழக்க இக்ராம் அலிகில் 66 பந்துகளுக்கு 58 ரன்களும், முஜீப் உர் ரஹ்மான் 16 பந்துகளுக்கு 28 ரன்களும், ரஷித் கான் 22 பந்துகளுக்கு 23 ரன்களையம் எடுத்து ஆட்டமிழந்தனர்.

இதனால் ஆப்கானிஸ்தான் அணி 49.5 ஓவர்களில் அனைத்து விக்கெட்களையும் இழந்து 284 ரன்களை எடுத்துள்ளது.

இங்கிலாந்து அணியில் அதிகபட்சமாக அடில் ரஷித் 3 விக்கெட்களும், மார்க் வுட் 2 விக்கெட்களும் மற்ற வீரர்கள் 1 விக்கட்டையும் எடுத்தனர்.

285 ரன்கள் எடுத்தால் வெற்றி என்ற இலக்குடன் இங்கிலாந்து அணியின் தொடக்க வீரர்கள் ஜானி பேர்ஸ்டோவ் மற்றும் டேவிட் மாலன் ஆகியோர் களமிறங்கினர்.

இதில் ஜானி பேர்ஸ்டோவ் 4 பந்துகளுக்கு 2 ரன்களை மட்டுமே எடுத்து ஆட்டமிழக்க, சிறப்பாக விளையாடி வந்த டேவிட் மாலன் 39 பந்துகளில் 32 ரன்கள் எடுத்து ஆட்டமிழந்தார்.

அடுத்ததாக களமிறங்கிய ஹாரி புரூக் 7 பௌண்டரீஸ் மற்றும் 1 சிக்ஸ் என அடித்து ஆப்கானிஸ்தான் பௌலர்களை அதிரவிட்டு பின்னர் 66 ரன்களுக்கு ஆட்டமிழந்தார். அடுத்து களமிறங்கிய வீரர்கள் அனைவரும் சொற்ப ரங்களில் ஆட்டமிழந்தனர்.

இதனால் 40 ஓவர்களில் இங்கிலாந்து அணி அனைத்து விக்கெட்களையும் இழந்து 215 ரன்கள் மட்டுமே எடுத்தது. ஆப்கானிஸ்தான் அணியில் அதிகபட்சமாக ரஷீத் கான் 3 விக்கெட்களும் முஜீப் உர் ரஹ்மான் 3 விக்கெட்களும் எடுத்தனர்.

இந்த போட்டியில் ஆட்டநாயகன் விருது 3 விக்கெட்கள் எடுத்து 28 ரங்களும் எடுத்த முஜீப் உர் ரஹ்மான்னுக்கு வழங்கப்பட்டது.