தமிழகம் முழுவதும் கடந்த 10 மாதங்களில் சைபர் கிரைமில் பொதுமக்கள் ரூபாய் 425 கோடி அளவிற்கு இழந்துள்ளனர் என சைபர் கிரைம் போலீசார் தெரிவித்து உள்ளனர்
இதுகுறித்து சைபர் கிரைம் காவல்துறை தெரிவித்து இருப்பதாவது, தமிழகம் முழுவதும் கடந்த 10 மாதங்களில் சைபர் கிரைமில் பொதுமக்கள் ரூபாய் 425 கோடி அளவிற்கு இழந்துள்ளனர். தமிழகம் முழுவதும் 65 ஆயிரத்து 426 சைபர் கிரைம் புகார்கள் பெறப்பட்டு உள்ளன.
சட்ட விரோதம் மற்றும் மோசடி செயலுக்குப் பயன்படுத்தியதாக சுமார் 29 ஆயிரத்து 530 சிம்கார்டுகள் பிளாக் செய்யப்பட்டு உள்ளன. 1930 என்ற உதவி எண் மூலம் இந்தாண்டு மட்டும் சுமார் 21 ஆயிரத்து 760 புகார் அழைப்புகள் வந்துள்ளன. தமிழகம் முழுவதும் திருடு போன சுமார் ரூபாய் 338 கோடியை சைபர் கிரைம் காவல்துறை வங்கி மூலம் முடக்கி உரியவரிடம் ஒப்படைக்கப்பட்டு உள்ளது என்று கூறப்பட்டுள்ளது.
