செல் போனில் வரும் திடீர் எச்சரிக்கை குறித்து பொது மக்கள் யாரும் பீதியடைய வேண்டாம் என அரசு தரப்பில் தெரிவிக்கப்பட்டுள்ளது.
தமிழ்நாடு மாநில பேரிடர் மேலாண்மை ஆணையமும், தேசிய பேரிடர் மேலாண்மை ஆணையமும் மத்திய அரசின் தொலைத்தொடர்புத் துறையுடன் இணைந்து, மேம்படுத்தவும், சுனாமி, மழை, வெள்ளம், பூகம்பம் போன்ற பேரிடர்களின் போது பொதுமக்களின் அவசரகால பாதுகாப்பு தகவல் தொடர்புகளை மற்றும் நல்வாழ்வை உறுதிப்படுத்தவும் “செல் ஒலிபரப்பு எச்சரிக்கை” சோதனை ஓட்டம் நடைபெற்றது. இதனால், பொது மக்கள் ஒருவித அச்சம் அடைந்தனர்.
செல் ஒலிபரப்பு எச்சரிக்கை முறை என்பது ஒரு தொழில்நுட்பமாகும். இதில் ஒரு செல்போன் ஒரு அதிநவீன கோபுரத்தின் குறிப்பிட்ட எல்லைக்குள் உள்ள அனைத்து செல்பேசிகளுக்கும், இயற்கை இடர்பாடு குறித்த எச்சரிக்கைகள் ஒரே நேரத்தில் சென்றடையக்கூடிய வசதி உள்ளது.
கடுமையான வானிலை எச்சரிக்கைகள் பொதுப் பாதுகாப்புச் செய்திகள். வெளியேற்ற அறிவிப்புகள் மற்றும் பிற அவசரகால எச்சரிக்கைகளை வழங்க செல் ஒலிபரப்பு எச்சரிக்கை பயன்படுத்தப்பட உள்ளது.
இந்த தொழில் நுட்பம் பேரிடர் எச்சரிக்கை தகவல்கள், சாத்தியமான அச்சுறுத்தல்கள் மற்றும் நெருக்கடியான சூழ்நிலைகளை பொதுமக்களுக்கு உரிய நேரத்தில் பரவலாகத் தெரிவிக்கப் பயன்படுத்தப்பட உள்ளது.
பொது மக்களின் பாதுகாப்பில் தொடர்ச்சியான உறுதிப்பாட்டில் உள்ள மாநில பேரிடர் மேலாண்மை ஆணையம், ஒவ்வொரு தொலைத்தொடர்பு சேவை வழங்குநரிடமும் செல் ஒலிபரப்பு எச்சரிக்கை அமைப்பின் சோதனையினை இன்று தமிழ்நாடு மற்றும் புதுச்சேரி யூனியன் பிரதேசத்தில் நடைபெற்றது.
சோதனைக் காலத்தில், பொதுமக்களின் செல்போன்களில் அவசர எச்சரிக்கைகள் பெறப்படும். இந்த விழிப்பூட்டல்கள் திட்டமிட்ட சோதனைச் செயல்பாட்டின் ஒரு பகுதியாகும் என்றும், உண்மையான அவசரநிலையைக் குறிக்கவில்லை என்றும் தெரிவிக்கப்பட்டுள்ளது.
இந்த சோதனை ஓட்டத்தால் பொதுமக்கள் யாரும் அச்சமடையத் தேவையில்லை இதற்கு எதிர்வினை ஆற்ற வேண்டாம் என்று தெரிவிக்கப்பட்டுள்ளது.
