தீபாவளி பண்டிகையை கொண்டாடும் மக்கள் உள்ளூரில் தயாரிக்கப்பட்ட பொருள்களை வாங்குமாறு பிரதமர் நரேந்திர மோடி கேட்டுக்கொண்டுள்ளார்.
இதுதொடர்பாக எக்ஸ் தள பக்கத்தில் வீடியோ ஒன்றை பிரதமர் வெளியிட்டுள்ளார்.
அதில், ‘உள்ளூர் மக்களுக்காக குரல் கொடுப்பதோடு, தீபாவளிக்கு உள்ளூர் தயாரிப்புகளையும் பெருமளவில் ஊக்குவிக்க வேண்டும் என்றும், இந்த பண்டிகை காலத்தில் உள்ளூர் பொருட்களை வாங்க வேண்டும் என்றும் பிரதமர் மோடி மக்களுக்கு வேண்டுகோள் விடுத்துள்ளார்.
தீபாவளியை உள்ளூர் மக்களுடன் கொண்டாடுவது பொருளாதாரத்திற்கு புதிய ஊக்கத்தை அளிக்கும் என்றும் அவர் கூறியுள்ளார்.
பொதுமக்களுக்கு தீபாவளி வாழ்த்துகளை தெரிவித்துள்ள பிரதமர் மோடி, “உள்ளூர்களுக்கு குரல் கொடுப்பதோடு, தீபாவளிக்கான உள்ளூர் மந்திரம் எங்கும் எதிரொலிப்பதை நீங்கள் இன்று காண்கிறீர்கள் என்றும் தெரிவித்துள்ளார்.
வாங்கும் பொருட்களுக்கான தொகையை செலுத்த யு.பி.ஐ. டிஜிட்டல் பணம் செலுத்தும் முறையையும் மக்கள் பயன்படுத்த வேண்டும் என்றும் அவர் கேட்டுக்கொண்டுள்ளார்.
உள்ளூர் தயாரிப்புகள் அல்லது கைவினை கலைஞர்களுடன், இந்தியாவில் தயாரித்த ஸ்மார்ட்போனில் எடுத்த ‘செல்பி’யை ‘நமோ ஆப்’பில் மக்கள் பகிர்ந்துகொள்ளலாம் என்றும் பிரதமர் கேட்டுக்கொண்டுள்ளார்.
அந்த படங்களில் சிலவற்றை நான் சமூக ஊடகத்தில் பகிர்ந்துகொள்வேன். அது, ‘வோக்கல் பார் லோக்கல்’ என்ற உள்ளூர் தயாரிப்புகளுக்கு முக்கியத்துவம் அளிக்கும் இயக்கத்துக்கு ஊக்கம் கொடுக்கும். இந்த இயக்கம் தற்போது நாடு முழுவதும் நல்ல வேகம் பெற்று வருகிறது என்றும் மோடி குறிப்பிட்டுள்ளார்.
