தீபாவளி பண்டிகையை முன்னிட்டு ஆம்னி பேருந்து உரிமையாளர் சங்கம் சார்பில் பயணிகளுக்கு ஒரு முக்கிய அறிவிப்பு வெளியிட்டுள்ளது.
அதன்படி வரும் 9. 10, 11, தேதிகளில் தமிழகத்தின் பிற பதிகளுக்கு, செங்கல்பட்டு வழியாக செல்லும் அனைத்து ஆம்னி பேருந்துகளும், கோயம்பேட்டில் புறப்படும். நசரத்பேட்டை புறவழிச்சாலை வழியாக கேளம்பாக்கம் தற்காலிக பேருந்து நிலையம் சென்றடையும். அங்கு பயணிகளை ஏற்றுக்கொண்டு செல்லும். இந்த தேதியில் நகரத்தின் உட்பகுதியான வடபழனி முதல் தாம்பரம் மற்றும் பெருங்களத்தூர் வரை காவல்துறை உத்தரவுப்படி ஆம்னி பேருந்துகள் இயக்கப்பட மாட்டாது.
எனவே, பயணிகள் கோயம்பேடு அல்லது கிளாம்பாக்கம் தற்காலிக பேருந்து நிலையம் ஆகிய இரண்டு இடங்களில் மட்டுமே ஆம்னி பேருந்துகளில் ஏறிச் செல்லலாம். மற்ற இடங்களில் பயணிகளை பேருந்தில் ஏற்ற முடியாது. அதேபோல, கிழக்கு கடற்கரை சாலை மற்றும் பாண்டிச்சேரி வழியாக செல்லும் ஆம்னி பேருந்துகள் காவல்துறை அனுமதியுடன் வழக்கம்போல் இயக்கப்படும். ஆம்னி பேருந்துகளில் சங்கம் நிர்ணயம் செய்த கட்டணத்தை விட கூடுதல் கட்டணம் வசூல் செய்யக்கூடாது என அறிவுறுத்தப்பட்டு உள்ளது.
மேலும், ஆம்னி பேருந்து கட்டணம் விவரம் www.aoboa.co.in என்ற இணையதளத்தில் பதிவு செய்யப்பட்டுள்ளது.
எனவே, கூடுதல் கட்டணம் வசூல் செய்தால் அது குறித்து 90433-79664 என்ற செல் எண்ணில் புகார் தெரிவிக்கலாம் என கூறப்பட்டுள்ளது.
