காயத்துக்காக அறுவை சிகிச்சை செய்ய உள்ள பென் ஸ்டோக்ஸ் அடுத்த 2 – 3 மாதங்களுக்கு விளையாட மாட்டார் என்பதால் வரும் ஐபிஎல் தொடரில் விளையாடுவது சந்தேகமாகவே பார்க்கப்படுகிறது.
2024 ஐபிஎல் தொடருக்கான ஏலம் வரும் டிசம்பர் மாதம் 19 ஆம் தேதி நடைபெற உள்ளது.
அதற்கு முன்பு அனைத்து அணிகளும் தாங்கள் விடுவிக்கும் வீரர்களை குறித்து இறுதிக்கட்ட வீரர்களின் பட்டியலை வரும் நவம்பர் 26 ஆம் தேதிக்குள் சமர்ப்பிக்குமாறு ஐபிஎல் நிர்வாகம் தெரிவித்துள்ளது.
இந்நிலையில் வரும் ஐபிஎல் தொடரின் ஏலத்திற்கு முன்பாக இங்கிலாந்தின் நட்சத்திர வேகப்பந்து வீச்சாளர் மற்றும் ஆல் ரவுண்டர் பென் ஸ்டோக்ஸை விடுவிக்க சென்னை நிர்வாகம் முடிவெடுத்துள்ளதாக செய்திகள் வெளியாகியுள்ளது.
2019 உலகக் கோப்பை, 2022 டி20 உலகக் கோப்பை போன்ற இங்கிலாந்தின் மகத்தான வெற்றிகளில் முக்கிய பங்காற்றிய அவரை கடந்த வருட ஏலத்தில் சென்னை நிர்வாகம் 16.25 கோடி என்ற தொகையில் போட்டி போட்டு வாங்கியது.
இருப்பினும் ஆரம்பத்திலேயே ஆஷஸ் தொடருக்காக ஐபிஎல் தொடரில் முழுவதுமாக விளையாட மாட்டேன் என்று அறிவித்த அவர் முழங்கால் காயத்தால் ஓரிரு போட்டிகளில் மட்டுமே சென்னைக்காக விளையாடி ஏமாற்றத்தையே கொடுத்தார்.
அதனால் ஏமாற்றமடைந்த சென்னை இரசிகர்கள் அவரை கழற்றி விடலாம் என்று அதிருப்தியை வெளிப்படுத்தி இருந்தனர். அந்த சூழ்நிலையில் 2023 உலகக் கோப்பையிலும் காயத்தால் சுமாராகவே விளையாடிய அவர் ஓய்விலிருந்து மீண்டு வந்தும் இங்கிலாந்தை வெற்றிப் பெற வைக்க முடியவில்லை.
மேலும் காயத்துக்காக அறுவை சிகிச்சை செய்ய உள்ள அவர் அடுத்த 2 – 3 மாதங்களுக்கு விளையாட மாட்டார் என்பதால் வரும் ஐபிஎல் தொடரில் விளையாடுவது சந்தேகமாகவே பார்க்கப்படுகிறது.
