தமிழ்நாட்டில் கோவில் சொத்துக்கள் திருடி வெளிநாடுகளுக்கு விற்கப்படுவதாகவும், அந்த பணம் யாருக்கு செல்கிறது என தெரியவில்லை என மத்திய நிதியமைச்சர் நிர்மலா சீதாராமன் தெரிவித்துள்ளார்.
மதுரையில் இந்திய தொல்லியல் துறை சார்பில் நடைபெற்று வரும் உலக பாரம்பரிய வார விழாவில் மத்திய நிதியமைச்சர் நிர்மலா சீதாராமன் சிறப்பு விருந்தினராக பங்கேற்றார்.
விழாவில் பேசிய அவர், மதுரையில் இடிந்து சேதமான மதன கோபாலசுவாமி கோவில் பொருள்களை வெளிநாட்டை சேர்ந்தவர் அமெரிக்க மியூசியத்தில் இந்து கோவில்கள் எவ்வாறு கட்டப்படுகின்றன என்ற தலைப்பின்கீழ் வைத்துள்ளதாக கூறினார். அவ்வாறு வெளிநாடு அருங்காட்சியகத்தில் இருக்கும் கோயில் சொத்துகளை நாம் ஆச்சரியமாக பார்ப்பதாகவும் அவர் குறிப்பிட்டார்.
தமிழ்நாட்டின் கோவில் சொத்துக்கள் திருடி வெளிநாடுகளுக்கு விற்கப்படுவதாகவும், அந்த பணம் யாரும் செல்கிறது என தெரியவில்லை என்று தெரிவித்தார்.
தமிழகத்தில் நமது பாரம்பரியத்தை எடுத்து சொல்வதற்கான வாய்ப்பு இல்லை என்றும், சில சமயம் அதில் அரசியல் நுழைந்து, சர்ச்சை உருவாவதாக நிர்மலா சீதாராமன் வேதனை தெரிவித்தனர்.
