ஆப்கானிஸ்தான் தலைநகர் காபுலில் இன்று 4.1 ரிக்டர் அளவில் மிதமான நிலநடுக்கம் ஏற்பட்டுள்ளது.
ஆப்கானிஸ்தானில் இன்று அதிகாலை 3.14 மணிக்கு மிதமான நிலநடுக்கம் உணரப்பட்டது. தலைநகர் காபுலில் இருந்து 535 கிலோ மீட்டர் தொலைவில் நிலநடுக்கம் ஏற்பட்டது.
இந்த நிலநடுக்கம் ரிக்டர் அளவுகோலில் 4.1 ஆக பதிவானது. இந்த நிலநடுக்கத்தின் மையப்புள்ளி 73 கிலோ மீட்டர் ஆழத்தில் உணரப்பட்டது. ஆப்கானிஸ்தானில் தொடர்ந்து நிலநடுக்கம் ஏற்பட்டு வருவதால், மக்கள் அச்சம் அடைந்துள்ளனர்.
இந்த நிலநடுக்கத்தால், ஏற்பட்ட சேதம் குறித்து இதுவரை எந்த தகவலும் வெளியாகவில்லை.
கடந்த மாதம் ஆப்கானிஸ்தானில் ஏற்பட்ட சக்தி வாய்ந்த நிலநடுக்கத்தில், 2 ஆயிரத்து 500-க்கும் மேற்பட்டோர் உயிரிழந்தனர் என்பது குறிப்பிடத்தக்கது.
