தென்காசி மாவட்டம் கடையநல்லூர் பகுதியில் சில நாட்களுக்கு முன்பு 10 கிலோ கஞ்சா விற்பனை செய்யப்பட்டதாகக் கைது செய்யப்பட்டுச் சிறையில் அடைக்கப்பட்ட 4 பேர் மீது குண்டர் தடுப்புச் சட்டத்தின் கீழ் போலீசார் கைது செய்தனர்.
தென்காசி மாவட்டம் முழுவதும் கஞ்சா அமோகமாக விற்பனை செய்யப்படுவதாகப் புகார் எழுந்தது.
கடந்த சில நாட்களுக்கு முன்பு கடையநல்லூர் குமந்தாபுரம் பகுதியில் கஞ்சா கடத்தி விற்பனையில் தும்பைமேட்டை சேர்ந்த மருது பாண்டியன் (24), வாசுதேவநல்லூர் தேவவிநாயகர் கோயில் தெருவை சேர்ந்த ராஜசெல்வம் (20), கீழப்புதூர் நடுத்தெருவை சேர்ந்த செல்வகுமார் (26), டி.என். புதுக்குடி கற்பகவீதி தெற்கு தெருவை சேர்ந்த மணிகண்டரவி (24) ஆகியோர் ஈடுபட்டிருந்தனர்.
போலீசார் வருவதை அறிந்து இவர்கள் அங்கிருந்து தப்பிச் சென்றுவிட்டனர். தொடர்ந்து கஞ்சா விற்பனையும் செய்து கொண்டு இருந்தனர்.
இதனால், அவர்கள் 4 பேரையும் கடையநல்லூர் போலீசார் பொறி வைத்து கைது செய்து சிறையில் அடைத்தனர். அவர்கள் மீது பல்வேறு வழக்குகள் உள்ளதால், அந்த 4 பேரையும் குண்டர் சட்டத்தில் அடைக்க தென்காசி மாவட்ட காவல் கண்காணிப்பாளர் பரிந்துரை செய்தார்.
அதன்பேரில், கஞ்சா விற்பனை செய்த 4 பேரை குண்டர் சட்டத்தில் அடைக்க மாவட்ட ஆட்சியர் உத்தரவிட்டார்.
