2024-ம் ஆண்டு மக்களவைத் தேர்தல் விரைவில் நடைபெற உள்ள நிலையில், தற்போது மத்தியப் பிரதேசம், ராஜஸ்தான், தெலங்கானா, சத்தீஸ்கர் மற்றும் மிசோரம் ஆகிய 5 மாநிலங்களுக்கான சட்டசபைத் தேர்தல் நடைபெற்றது. தேர்தல் முடிவுகள் வரும் 3 -ம் தேதி அறிவிக்கப்பட உள்ளது.
மத்தியப் பிரதேசம், ராஜஸ்தான், சத்தீஸ்கர் மற்றும் மிசோரம் ஆகிய மாநிலங்களில் சட்டசபை தேர்தல் ஏற்கனவே நடைபெற்ற நிலையில், 30-ம் தேதி தெலங்கானா மாநிலத்தில் ஒரே கட்டமாகத் தேர்தல் நடைபெற்றது.
மிசோரம், சத்தீஸ்கர், ராஜஸ்தான், மத்திய பிரதேசம், தெலுங்கானா ஆகிய மாநிலங்களில் தேர்தலுக்குப் பிந்தைய கருத்துக்கணிப்புகள் வெளியாகி உள்ளது.
இதில், ராஜஸ்தானில் பாஜக ஆட்சியமைக்கும் என்று C-Voter அமைப்பு கணித்துள்ளது. ராஜஸ்தானில் 114 முதல் 124 தொகுதிகளைப் பாஜக வெல்லும் என்று தெரிவிக்கப்பட்டுள்ளது. இதேபோல, காங்கிரஸ் 67 முதல் 77 தொகுதிகளை மட்டுமே வெல்லும் நிலை உள்ளது. இதனால் ராஜஸ்தானில் பாஜக ஆட்சி அமைகிறது.
மத்திய பிரதேசத்தில் 230 தொகுதிகளில் 203 தொகுதிகளுக்கான கருத்துக் கணிப்பை ரிபப்ளிக் செய்தி நிறுவனம் வெளியிட்டுள்ளது. இதில், பாஜக 118 முதல் 130 தொகுதிகளில் வெல்லும் எனவும், காங்கிரஸ் 97 முதல் 107 தொகுதிகளில் வெல்லும் என்றும், மற்ற கட்சிகள் 0 -2 தொகுதிகளில் வெல்லும் என்றும் தெரிவிக்கப்பட்டுள்ளது.
இதேபோல, மிசோரம், சத்தீஸ்கர், தெலுங்கானா ஆகிய மாநிலங்களிலும் பாஜக-வின் ஆதிக்கம் தவிர்க்க முடியாதது எனத் கருத்துக் கணிப்புத் தகவல் வெளியாகியுள்ளது.
