முதல் நாள் வசூலில் ‘டாப் 5’ படங்களில் முதல் நான்கு இடங்களை தென்னிந்தியப் படங்களே பிடித்துள்ளன.
ஹிந்தி மொழியில் சந்தீப் ரெட்டி வங்கா இயக்கத்தில், ரன்பீர் கபூர், ராஷ்மிகா மந்தனா நடிப்பில் நேற்று அனிமல் படம் திரைக்கு வந்தது. இப்படத்திற்கு ஹிந்தி இரசிகர்களிடம் நல்ல வரவேற்பு கிடைத்துள்ளது. நேற்று படம் வெளியான முதல் நாளில் மட்டும் ரூ.116 கோடி வசூலித்துள்ளதாக படக்குழுவினர் அதிகாரப்பூர்வமாக அறிவித்துள்ளனர்.
இந்த ஆண்டில் முதல் நாளிலேயே 100 கோடி வசூலைக் கடந்த 5 வது படமாக ‘அனிமல்’ படம் அமைந்துள்ளது. 2023 ஆம் ஆண்டைப் பொறுத்தவரையில் முதல் நாள் வசூலில் 148 கோடி வசூலித்து தமிழ்ப் படமான ‘லியோ’ முதலிடத்திலும், 140 கோடி வசூலித்து ‘ஆதிபுருஷ்’ 2வது இடத்திலும், 129 கோடி வசூலித்து ‘ஜவான்’ 3 ஆம் இடத்திலும், 116 கோடி வசூலித்து ‘அனிமல்’ 4 ஆம் இடத்திலும், 106 கோடி வசூலித்து ‘பதான்’ 5வது இடத்திலும் உள்ளது.
இதுவரையில் வெளியான படங்களில் ‘ஆர்ஆர்ஆர்’ படம் முதல் நாளில் 223 கோடி வசூலித்து முதலிடத்திலும், ‘பாகுபலி 2’ படம் 214 கோடி வசூலித்து இரண்டாமிடத்திலும், ‘கேஜிஎப் 2’ படம் 162 கோடி வசூலித்து மூன்றாமிடத்திலும் உள்ளது.
மொத்தமாகப் பார்த்தால் ‘டாப் 5’ படங்களில் முதல் நான்கு இடங்களை தென்னிந்தியப் படங்களே பிடித்துள்ளன.
