நாளை அதாவது, 4 -ம் தேதி மிக்ஜாம் புயல் காரணமாக, தமிழ்நாடு அரசு பொது விடுமுறை அறிவித்துள்ளது. இந்த நிலையில், சென்னை மெட்ரோ இரயில்கள் சனிக்கிழமை நேர அட்டவணைப்படி இயக்கப்படும் என சென்னை மெட்ரோ இரயில் உறுதிபடத் தெரிவித்துள்ளது.
அதாவது, அதிகாலை 5 மணி முதல் இரவு 11 மணி வரை மெட்ரோ இரயில்கள் இயக்கப்படும். காலை 5 மணி முதல் 8 மணி வரை, காலை 11 மணி முதல் மாலை 5 மணி வரை மற்றும் இரவு 8 மணி முதல் 10 மணி வரை 7 நிமிட இடைவெளியில் மெட்ரோ இரயில்கள் இயக்கப்படும்.
அடுத்து, காலை 8 மணி முதல் 11 மணி வரை மற்றும் மாலை 5 மணி முதல் இரவு 8 மணி வரை 6 நிமிட இடைவெளியில் மெட்ரோ இரயில்கள் இயக்கப்படும். பின்னர், இரவு 10 மணி முதல் 11 மணி வரை 15 நிமிட இடைவெளியில் மெட்ரோ இரயில்கள் இயக்கப்படும் என்றும் தெரிவிக்கப்பட்டுள்ளது.
மிக அவசர பயணம் தவிர, பயணிகள் அவசியமின்றி வெளியில் வர வேண்டாம் என சென்னை மெட்ரோ இரயில் நிறுவனம் எச்சரிக்கை விடுத்துள்ளது.
