நடிகர் ரன்பீர் கபூர் நடித்த அனிமல் திரைப்படம் உலக அளவில் ரூ.500 கோடி வசூல் செய்து சாதனை படைத்துள்ளது. ‘ஏ’ சான்றிதழ் பெற்ற படங்களில் அனிமல் தான் அதிக வசூலித்த படம் என்பது குறிப்பிடத்தக்கது.
ஹிந்தி மொழியில் சந்தீப் ரெட்டி வங்கா இயக்கத்தில், ரன்பீர் கபூர், ராஷ்மிகா மந்தனா நடிப்பில் டிசம்பர் 1 ஆம் தேதி அனிமல் படம் திரைக்கு வந்தது.
இப்படத்திற்கு ஹிந்தி இரசிகர்களிடம் நல்ல வரவேற்பு கிடைத்துள்ளது. படம் வெளியான முதல் நாளில் மட்டும் ரூ.116 கோடி வசூலித்துள்ளதாக படக்குழுவினர் அதிகாரப்பூர்வமாக அறிவித்திருந்தனர்.
இந்நிலையில் இதுவரை இப்படம் உலகளவில் குவித்த வசூலைப் பற்றிப் படக்குழு அதிகாரப்பூர்வமாக வெளியிட்டுள்ளது. உலகளவில் இதுவரை இப்படத்தின் வசூல் ரூ.500 கோடி என படக்குழு அறிவித்துள்ளது. மேலும் ‘ஏ’ சான்றிதழ் பெற்ற படங்களில் இதுதான் அதிக வசூலித்த படம் என்பது குறிப்பிடத்தக்கது.
அதுமட்டுமின்றி இதுவரை நடிகர் ரன்பீர் கபூர் நடித்த படம் ஏதும் ரூ.500 கோடி வசூலைப் பெற்றதில்லை. இந்நிலையில் இந்த படம் ரூ.500 கோடி வசூலைத் தந்த படமாக முதல் படமாக அமைந்துள்ளது.
