பிரபாஸ் நடிப்பில் வெளியாகவிருக்கும் சலார் திரைபடித்தில் நடித்த பிரித்விராஜ் அவரின் கதாபாத்திரத்திற்கு அவரே 5 மொழிகளில் டப்பிங் செய்துள்ளார்.
கே.ஜி.எப் படத்தின் இயக்குநர் பிரசாந்த் நீல் தற்போது உருவாகியுள்ள திரைப்படம் தான் ‘சலார்’. இந்த படத்தில் பாகுபலி பிரபாஸ் கதாநாயகனாக நடித்துள்ளார்.
சமீபத்தில் இப்படத்தின் ட்ரைலர் வெளியானது. இந்த படத்தில் வரதராஜ மன்னர் என்ற கதாபாத்திரத்தில் நடிகர் பிரித்விராஜ் நடித்துள்ளார். சமீபத்தில் இந்த படத்தின் டிரைலர் வெளியாகி ரசிகர்களின் கவனத்தை ஈர்த்தது.
இந்நிலையில் சலார் படத்தின் டப்பிங் பணிகள் முடிவடைந்துள்ளதாக நடிகர் பிரித்விராஜ் தனது எக்ஸ் பக்கத்தில் பதிவிட்டுள்ளார். ஒரே கதாபாத்திரத்திற்கு 5 மொழிகளில் டப்பிங் செய்வது இதுவே முதல் முறை என்று நெகிழ்ச்சியாகப் பதிவிட்டுள்ளார்.
#Salaar Final dubbing corrections done. I have had the privilege of lending my own voice for all my characters across various languages I’ve worked in over the years. I have even dubbed for some of my characters in multiple languages. But to be dubbing for the same character, in… pic.twitter.com/RmMZZ9EF72
— Prithviraj Sukumaran (@PrithviOfficial) December 10, 2023
இதுகுறித்து அவர், ‘இறுதி டப்பிங் திருத்தங்கள் முடிந்தன. பல ஆண்டுகளாக நான் பணியாற்றிய பல்வேறு மொழிகளில் எனது அனைத்து கதாபாத்திரங்களுக்கும் எனது சொந்தக் குரலை கொடுக்கும் பாக்கியம் எனக்குக் கிடைத்தது. என்னுடைய சில கதாபாத்திரங்களுக்குப் பல மொழிகளில் டப்பிங் பேசியிருக்கிறேன்.
ஆனால் ஒரே கதாபாத்திரத்திற்கு ஒரே படத்தில் 5 மொழிகளில் டப்பிங் பேசுவது இதுவே முதல் முறை. தெலுங்கு, கன்னடம், தமிழ், இந்தி மற்றும் மலையாளம் என 5 மொழிகளில் ஒரு படத்திற்காகப் பேச வேண்டும்.
உலகம் முழுவதும் உள்ள திரையரங்குகளில் வருகிற 22ஆம் தேதி தேவாவும் வரதாவும் உங்களை சந்திப்பார்கள்’ என்று பதிவிட்டுள்ளார்.
