நாடாளுமன்றத்தில் நிகழ்ந்த சம்பவம் குறித்து விரிவான விசாரணை நடத்தப்படும்! – சபாநாயகர் ஓம் பிர்லா

தேசத்திற்காக சேவையாற்ற வந்திருக்கிறோம் எனவே நாடாளுமன்ற மக்களவை அலுவல்கள் தொடர்ந்து நடைபெறும் என சபாநாயகர் ஓம் பிர்லா தெரிவித்துள்ளார்.

நாடாளுமன்ற தாக்குதல் நினைவு தினமான இன்று மக்களவையில் பார்வையாளர் மாடத்தில் இருந்து நாடாளுமன்ற உறுப்பினர்கள் அமர்ந்திருக்கும் பகுதிக்குள் குதித்து அத்துமீறிய இரண்டு பேர் கண்ணீர் புகைகுண்டுகளை வீசினர். இதயனையடுத்து அந்த இருநபர்களும் கைது செய்யப்பட்டனர். இதனால் இரு அவைகளும் 2 மணி நேரம் ஒத்திவைக்கப்பட்டது.

பின்னர் மீண்டும் மக்களவை கூடியதும், காங்கிரஸ் நாடாளுமன்ற உறுப்பினர் ஆதிர் ரஞ்சன் சவுத்திரி, ‛‛ பார்வையாளர் மாடத்திற்குள் இருந்து இருவர் நுழைந்த சம்பவம் குறித்து எனக் கேள்வி எழுப்பினார்.

இதற்கு பதில் அளித்த மக்களவை சபாநாயகர் ஓம் பிர்லா,

பார்வையாளர் மாடத்திற்குள் இருந்து இருவர் நுழைந்த சம்பவம் தொடர்பாக விரிவான விசாரணை நடத்தப்படும். போலீசார் நடத்திய முதற்கட்ட விசாரணையில் அது சாதாரண வண்ண புகை தான் எனத் தெரியவந்துள்ளது. புகை குறித்து அச்சப்பட தேவையில்லை எனத் தெரிவித்தார்.

எல்லோருடைய கருத்தையும் ஏற்று பரிசீலித்து இது போன்ற சம்பவங்கள் இனி நடக்காமல் இருக்க உரிய நடவடிக்கை எடுக்கப்படும். தேசத்திற்காக சேவையாற்ற வந்திருக்கிறோம். எனவே நாடாளுமன்ற மக்களவை அலுவல்கள் தொடர்ந்து நடைபெறும்.

இருவரும் பிடிபட்டுள்ளனர், அவர்களிடமிருந்த பொருட்களும் பறிமுதல் செய்யப்பட்டுள்ளன. நாடாளுமன்றத்திற்கு வெளியே போராட்டத்தில் ஈடுபட்ட இருவரையும் போலீசார் கைது செய்துள்ளனர் எனத் தெரிவித்துள்ளார்.