நடிகர் அஜித் ‘விடாமுயற்சி’ படப்பிடிப்பு தளத்தில் போட்டோகிராஃபராக மாறி, பிரபலங்கள் சிலரை கேண்டிட்டாக படம் பிடித்துள்ளார்.
தமிழ் திரையுலகில் முன்னணி நடிகரான அஜித் குமார் தற்போது விடாமுயற்சி என்ற படத்தில் நடித்து வருகிறார். இந்த படத்தைப் பிரபல இயக்குநர் விக்னேஷ் சிவன் இயக்கப் போவதாக அறிவிப்பு வந்தது. ஆனால் சில காரணங்களால் இப்படத்திலிருந்து விக்னேஷ் சிவன் விலகினார்.
பிறகு இயக்குநர் மகிழ் திருமேனியிடம் இந்த திரைப்படத்தை இயக்கிவருகிறார்.இந்த படத்தின் முதல்கட்ட படப்பிடிப்பு அஜர்பைஜான் நாட்டில், அக்டோபர் மாதம் நடந்து முடிந்தது. இதை தொடர்ந்து இரண்டாம் கட்ட படப்பிடிப்புக்காக படக்குழு அஜர்பைஜான் நாட்டுக்கு சென்றுள்ளது.
படப்பிடிப்பு ஒரு பக்கம் பரபரப்பாக நடந்து கொண்டிருக்கும் நிலையில், தற்போது அஜித் ‘விடாமுயற்சி’ படப்பிடிப்பில் போட்டோ கிராப்பராக மாறி அர்ஜுன், மகிழ் திருமேனி, ரெஜினா, மற்றும் ஓம் ராவத் ஆகியோரை கேண்டிட்டாக படம் பிடித்துள்ளார்.
இந்த புகைப்படங்கள் சிலவற்றை அஜித்தின் மேலாளர் சுரேஷ் சந்திரா அவரின் சமூக வலைத்தளத்தில் வெளியிட்டுள்ளார். இந்த புகைப்படங்கள் சமூக வலைத்தளத்தில் வைரலாகி வருகிறது.
