மணிப்பூரில் இன்று 3.2 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
மணிப்பூரில் இன்று லேசான நிலநடுக்கம் உணரப்பட்டது. கம்ஜாங் பகுதியில் இன்று அதிகாலை 1.18 மணிக்கு லேசான நிலநடுக்கம் ஏற்பட்டது. இது ரிக்டர் அளவுகோலில் 3.2 ஆக பதிவானது.
இந்த நிலநடுக்கத்தின் மையப்புள்ளி 79 கிலோ மீட்டர் ஆழத்தில் உணரப்பட்டதாக தேசிய நில அதிர்வு மையம் தெரிவித்துள்ளது.
இந்த நிலநடுக்கத்தால், ஏற்பட்ட பாதிப்புகள் குறித்து இதுவரை எந்த தகவலும் வெளியாகவில்லை.
இதற்கிடையே, கடந்த 15-ஆம் தேதி மணிப்பூர் மாநிலம் சுராசந்த்பூர் பகுதியில் 3.7 ரிக்டர் அளவில் நிலநடுக்கம் ஏற்பட்டது குறிப்பிடத்தக்கது.
