2023-ம் ஆண்டுக்கான சாகித்ய அகாடமி விருதுகள் அறிவிக்கப்பட்டிருக்கின்றன. அந்த வகையில், 9 கவிதை நூல்கள், 6 நாவல்கள், 5 சிறுகதைத் தொகுப்புகள், 3 கட்டுரைகள், 1 இலக்கிய ஆய்வு ஆகியவை இந்த ஆண்டுக்கான சாகித்ய அகாடமி விருதுகளை வென்றிருக்கின்றன.
மத்திய கலாச்சாரத்துறை ஒவ்வொரு ஆண்டும் சாகித்ய அகாடமி விருதுகளை வழங்கி வருகிறது. அந்த வகையில், 2023-ம் ஆண்டுக்கான சாகித்ய அகாடமி விருதுகள், 24 மொழிகளுக்கு அறிவிக்கப்பட்டிருக்கிறது. அதன்படி, 9 கவிதை நூல்கள், 6 நாவல்கள், 5 சிறுகதைத் தொகுப்புகள், 3 கட்டுரைகள் மற்றும் 1 இலக்கிய ஆய்வு ஆகியவை இந்த ஆண்டு சாகித்ய அகாடமி விருதுகளை வென்றிருக்கின்றன.
தமிழ் எழுத்தாளர் ராஜசேகரன் தனது “நீர்வழி படூம்” நாவலுக்காகவும், தெலுங்கு எழுத்தாளர் பதஞ்சலி சாஸ்திரி தனது சிறுகதைத் தொகுப்பிற்காகவும், மலையாள இலக்கியவாதி ஈ.வி.ராமகிருஷ்ணன் மலையாள நாவலின் தேசகாலங்கள் என்ற இலக்கிய ஆய்வுக்காகவும் தேர்ந்தெடுக்கப்பட்டுள்ளனர்.
அதேபோல, டோக்ரியில் விஜய் வர்மா, குஜராத்தியில் வினோத் ஜோஷி மற்றும் ஒடியாவில் அசுதோஷ் பரிதா ஆகியோர் தங்கள் கவிதைத் தொகுப்புகளுக்காக விருது பெறுகிறார்கள். அசாமிய மொழியில் பிரணவ்ஜோதி தேகா, போடோவில் நந்தீஸ்வர் டைமரி மற்றும் சந்தாலியில் தரசீன் பாஸ்கி ஆகியோர் சிறுகதைகளுக்காகத் தேர்ந்தெடுக்கப்பட்டிருக்கிறார்கள்.
மேலும், சஞ்சீவ் தனது இந்தி நாவலான முஜே பஹச்சானோவுக்கு சாகித்ய அகாடமி விருதையும், ராக ஜாங்கியில் ஆங்கில நாவல் ரிக்விம்க்காக நீலம் சரண் கௌருக்கும் விருது அறிவிக்கப்பட்டிருக்கிறது. இந்து அடுத்த ஆண்டு மார்ச் 12-ம் தேதி நடைபெறும் விருது வழங்கும் விழாவில் வழங்கப்படும்.
பொறிக்கப்பட்ட செப்புப் தகடு, சால்வை மற்றும் 1 லட்சம் ரூபாய் அடங்கிய கலச வடிவில் இந்த விருது வழங்கப்படுகிறது. விருதுகள் வழங்கப்பட்ட ஆண்டிற்கு முந்தைய 5 ஆண்டுகளில், அதாவது ஜனவரி 2017 மற்றும் 2021 டிசம்பர் 31-க்கு இடையில் முதலில் வெளியிடப்பட்ட புத்தகங்கள் தொடர்பானவையாகும்.
