ஐந்து நாடுகளுக்கு இடையேயான ஹாக்கி போட்டியின் கடைசி போட்டியில் இந்திய மகளிர் அணி 2-1 என்ற கோல் கணக்கில் அயர்லாந்தை வீழ்த்தி வெற்றி பெற்று, தொடரை வெற்றியுடன் நிறைவு செய்துள்ளது.
ஸ்பெயின் நாட்டின் வலென்சியா நகரில் ஐந்து நாடுகளுக்கு இடையேயான ஹாக்கி போட்டி நடைபெற்றது. இதில் இந்தியா, ஸ்பெயின், பெல்ஜியம், ஜெர்மனி, பிரான்ஸ் ஆகிய நாடுகள் பங்கேற்றுள்ளது.
இந்த தொடரின் லீக் சுற்றில் ஒவ்வொரு அணியும், மற்ற அணிகளுடன் தலா ஒரு முறை விளையாட வேண்டும். லீக் சுற்றின் முடிவில் புள்ளிபட்டியலில் முதல் இடம் பிடிக்கும் அணியே சாம்பியன் பட்டத்தை வெல்லும்.
இப்போட்டியானது ஆண்கள் மற்றும் பெண்கள் என இருபிரிவிலும் நடைபெற்றது. இந்திய ஆண்கள் ஹாக்கி அணி தான் விளையாடிய 4 போட்டிகளில் கடைசி போட்டியில் மட்டுமே வெற்றி பெற்று வெற்றியுடன் தொடரை நிறைவு செய்தது.
அதேபோல் நேற்று இந்திய பெண்களுக்கான கடைசி போட்டி நடைபெற்றது. இந்திய பெண்கள் அணி தான் விளையாடிய 3 போட்டிகளிலும் தோல்வியை தழுவியது. முதல் போட்டியில் ஸ்பெயின் அணியுடனும், இரண்டாம் போட்டியில் பெல்ஜியம் அணியுடனும், மூன்றாவது போட்டியில் ஜெர்மனியுடனும் தோல்வியை சந்தித்தது.
இந்நிலையில் நேற்று நடைபெற்ற கடைசி போட்டியில் இந்திய மகளிர் அணி மற்றும் அயர்லாந்து அணியுடன் விளையாடியது. இதில் இந்திய பெண்கள் 2-1 என்ற கோல் கணக்கில் அயர்லாந்தை வீழ்த்தி வெற்றி பெற்றது.
இந்திய அணி சார்பில் தீபிகா 4வது நிமிடத்திலும், சங்கீதா குமாரி 22வது நிமிடத்திலும் கோல் அடித்தனர். அயர்லாந்து அணியில் கேத்ரின் முல்லன் 12வது நிமிடத்தில் ஒரு கோல் மட்டுமே அடித்தார்.
இதனால் இந்திய மகளிர் ஹாக்கி அணி 2-1 என்ற கோல் கணக்கில் வெற்றியை பதிவு செய்தது. இதன்மூலம் இந்தியா மகளிர் ஹாக்கி அணி இந்த தொடரை வெற்றியுடன் நிறைவு செய்தது.
