இந்தியா-தென் ஆப்பிரிக்கா அணிகளுக்கு இடையேயான டெஸ்ட் போட்டிக்காக இந்திய அணியின் முன்னாள் வீரர் சுனில் கவாஸ்கர் பிளேயிங் 11-யை தேர்வு செய்துள்ளார்.
இந்திய கிரிக்கெட் அணி தென் ஆப்பிரிக்காவுக்குச் சுற்றுப்பயணம் மேற்கொண்டுள்ளது. டி20, ODI, டெஸ்ட் கிரிக்கெட் ஆகிய மூன்று தொடரில் இந்திய அணி விளையாடிவருகிறது.
அதில் டி20 மற்றும் ஒரு நாள் தொடர் நிறைவடைந்த நிலையில் இரண்டு போட்டிகள் கொண்ட டெஸ்ட் தொடர் டிசம்பர் 26ஆம் தேதி தொடங்கவுள்ளது.
இந்நிலையில் இந்தியா – தென் ஆப்பிரிக்கா இடையிலான முதல் டெஸ்ட் போட்டிக்கான பிளேயிங் லெவனை இந்திய முன்னாள் வீரரான சுனில் கவாஸ்கர் வெளியிட்டுள்ளார்.
இதில் அவர் தொடக்க வீரர்களாக யஷஸ்வி ஜெய்ஸ்வால், ரோகித் சர்மாவை தேர்வு செய்துள்ளார். அதற்கு அடுத்ததாக 3 முதல் 6 வரை சுப்மன் கில், விராட் கோலி, கே.எல்.ராகுல். ஸ்ரேயாஸ் ஐயர் ஆகியோரை தேர்வு செய்துள்ளார்.
ஆல்ரவுண்டர்களாக ரவீந்திர ஜடேஜா மற்றும் அஷ்வின் ஆகியோரை தேர்வு செய்துள்ள கவாஸ்கர் வேகப்பந்து வீச்சாளர்களாக முகேஷ் குமார், ஜஸ்ப்ரீத் பும்ரா, முகமது சிராஜ் ஆகியோரை தேர்வு செய்துள்ளார்.
சுனில் கவாஸ்கர் தேர்வு செய்துள்ள இந்தியாவின் பிளேயிங் லெவன் :
யஷஸ்வி ஜெய்ஸ்வால், ரோகித் சர்மா (கேப்டன்), சுப்மன் கில், விராட் கோலி, கே.எல்.ராகுல் (விக்கெட் கீப்பர்), ஸ்ரேயாஸ் ஐயர், ரவீந்திர ஜடேஜா, ரவிச்சந்திரன் அஷ்வின், ஜஸ்ப்ரீத் பும்ரா, முகமது சிராஜ், முகேஷ் குமார்.
