இந்தியாவில் நடைபெற்று வரும் புரோ கபடி தொடரில் நேற்று நடைபெற்ற போட்டியில் ஹரியானா ஸ்டீலர்ஸ், தமிழ் தலைவாஸை 13 புள்ளிகள் வித்தியாசத்தில் வீழ்த்தி வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேரு உள்விளையாட்டு அரங்கில் நடைபெற்ற நேற்றையப் போட்டியில் தமிழ் தலைவாஸ் மற்றும் ஹரியானா ஸ்டீலர்ஸ் அணிகளை விளையாடின.
இப்போட்டியில் ஹரியானா ஸ்டீலர்ஸ் அணி 42-29 என்ற புள்ளி கணக்கில் தமிழ் தலைவாஸை வீழ்த்தி அபார வெற்றி பெற்றது. தமிழ் தலைவாஸ் அணி தொடர்ந்து 3 தோல்வியடைத்துள்ளது குறிப்பிடத்தக்கது.
அதேபோல் நேற்று நடைபெற்ற மற்றொரு போட்டியில் பெங்கால் வாரியர்ஸ் மற்றும் தபாங் டெல்லி அணிகள் விளையாடின. இதில் தபாங் டெல்லி அணி 38-29 என்ற புள்ளி கணக்கில் பெங்கால் வாரியர்ஸை வீழ்த்தியது.
