இந்த வருடம் உலகமக்கள் அனைவரும் அதிகமாக பயன்படுத்திய ஒரு சொல் என்றால் அது AI என்றே சொல்லலாம்.
அந்த அளவிற்கு AI-யின் தாக்கம் பெரிய அளவில் இருந்தது. அப்படி நம்மை வியக்க வைத்த AI தொழில்நுட்பங்கள் எவை என்பதை இந்த தொகுப்பில் பார்க்கலாம்.
உலகமே தொலழிநுட்பத்தை சார்ந்துதான் நகர்ந்து கொண்டிருக்கிறது. காலம் மாற மாற தொழில்நுட்பத்தின் வளர்ச்சிகளும் மாறிக்கொண்டே வருகிறது.
தொழில்நுட்பத்தால் பல நன்மைகளும் உள்ளது, பல தீமைகளும் உள்ளது. மேலும் இந்த வருடம் உலகமக்கள் அனைவரும் அதிகமாக பயன்படுத்திய ஒரு சொல் என்றால் அது AI என்றே சொல்லலாம். அந்த அளவிற்கு AI-யின் தாக்கம் பெரிய அளவில் இருந்தது.
பொழுதுபோக்கிற்காக பயன்படுத்தி வந்த AI தொழில்நுட்பம் பெண்களுக்கு தீமை விளைவிக்கும் விதமாக டீப் பேக் என்ற ஒரு கான்செப்டை கொண்டுவந்தது. இருப்பினும் இந்த தொழில்நுட்பத்தால் பல நன்மைகளும் நடந்துள்ளது.
உலகையே வியக்க வைத்த வியக்க வைத்த AI தொழில்நுட்பங்கள்:
1. GPT-4 :
ChatGPT மொழி மாதிரியான GPT-3.5 மாடலுக்கு அடுத்தபடியாக இந்த ஆண்டின் மிகப்பெரிய AI தொழில்நுட்ப வெளியீடுகளின் ஒன்று GPT-4 ஆகும். மனித அளவிலான செயல்திறனை GPT-4 செய்ததாக OpenAI கூறியுள்ளது.மேலும், இதனை நாம் சந்தா மூலமாக மட்டுமே இயக்க முடியும்.
2. Bard AI :
AI தொழில்நுட்பத்தின் வளர்ச்சியை கண்டு கூகுள் நிறுவனம் கொண்டு வந்தது தான் Bard AI. இது அறிமுகப்படுத்தப்பட்ட பின்னர், ஜெமினி என்ற மொழி மாதிரியை இணைத்தது. அதாவது, சக்திவாய்ந்ததாக கூறப்படும் ஜெமினி மூலம், Bard AI அப்கிரேட் ஆகியுள்ளது என்று கூறலாம்.
3. DALL-E 3 :
OpenAI, பிரபலமான டெக்ஸ்ட்-டு-இமேஜ் உருவாக்கும் DALL-E மென்பொருளை மேம்படுத்த முடிவு செய்தது. தற்போது, DALL-E ஆனது ChatGPT உடன் ஒருங்கிணைக்கப்பட்டுள்ளது.
4. Bing Chat :
மைக்ரோசாப்ட், சொந்தமாக செயற்கை நுண்ணறிவு தொழிநுட்பத்தை வைத்து அறிமுகப்படுத்தியது தான் Bing Chat. அதாவது, AI தொழில்நுட்பத்தை Bing Browser -ல் ஒருங்கிணைத்து புதிய கருவியாக Bing Chat கொண்டு வரப்பட்டது.
5. Grok AI :
எலான் மஸ்க் உருவாக்கிய xAI என்ற நிறுவனத்தின் முதல் தயாரிப்பு தான் Grok எனப்படும் சாட்பாட் ஆகும். இது கேள்விகளுக்கு புத்திசாலித்தனமாகவும், நகைச்சுவையுடனும் பதிலளிக்கக் கூடிய வகையில் வடிவமைக்கப்பட்டுள்ளது.
