தனக்கு டூப் போட்ட ஸ்டண்ட் கலைஞர் உயிரிழந்ததால், சண்டைக் காட்சிகளில் டூப் வேண்டாமென மறுத்து தானாகவே நடித்துள்ளார் விஜயகாந்த்.
நடிகர் விஜயகாந்தின் திரைப்படங்களில் அதிகம் பேசப்படுவது அவரது சண்டைக்காட்சிகளே. பல திரைப்படங்களில் தனக்கு டூப் வேண்டாம் என மறுத்து, சண்டைக்காட்சிகளில் தானே நடித்த ஒரு நடிகர் தான் விஜயகாந்த். அதேபோல் சண்டைக்காட்சிகளில் தனெக்கென ஒரு ஸ்டைலை உருவாக்கியிருந்தார் விஜயகாந்த.
இதற்கு பின்னால் ஒரு முக்கிய சம்பவம் உள்ளது. ‘நாளை உனது நாள்’ என்ற திரைப்படத்தின் படப்பிடிப்பின் போது நடந்த விபத்தில், அவருக்கு டூப் போட்ட ஒரு ஸ்டண்ட் கலைஞர் உயிரிழந்துள்ளார். இந்த சம்பவத்திற்கு பிறகு, இனிமேல் எனக்கான சண்டைக்காட்சிகளில் நானே நடித்துக் கொள்கிறேன், டூப் வேண்டாமென முடிவெடுத்துள்ளார்.
இதற்காக பிரத்யேக சண்டைப் பயிற்சிகளையும் அவர் எடுத்துள்ளார். தனது பெரும்பாலான படங்களில் டூப் போடாமல் நடித்ததால், பலமுறை இவருக்கு தோள்பட்டை இறக்கம் ஏற்பட்டுள்ளது குறிப்பிடத்தக்கது.
