இந்தியா மற்றும் ஆஸ்திரேலியா மகளிர் அணிகளுக்கு இடையேயான இரண்டாம் ஒரு நாள் போட்டி இன்று வான்கடே மைதானத்தில் நடைபெறவுள்ளது.
இந்தியா மற்றும் ஆஸ்திரேலியா மகளிர் அணிகளுக்கு இடையேயான மூன்று போட்டிகள் கொண்ட ஒரு நாள் தொடர் இந்தியாவில் நடைபெற்று வருகிறது.
நடந்து முடிந்த இந்தியா மற்றும் ஆஸ்திரேலியா மகளிர் அணிகளுக்கு இடையேயான டெஸ்ட் போட்டியில் இந்திய பெண்கள் அணி 8 விக்கெட்கள் வித்தியாசத்தில் வெற்றி பெற்று வரலாற்று சாதனை படைத்தனர்.
இதனைத் தொடர்ந்து நடைபெற்ற முதல் ஒரு நாள் போட்டியில் ஆஸ்திரேலியா மகளிர் அணி 6 விக்கெட்டுகள் வித்தியாசத்தில் வெற்றி பெற்று, தொடரில் 1-0 என்ற கணக்கில் முன்னிலையில் உள்ளது. இந்நிலையில் இரு அணிகளுக்கும் இடையேயான இரண்டாவது ஒரு நாள் போட்டி இன்று மும்பை வான்கடே மைதானத்தில் நடைபெறவுள்ளது.
இப்போட்டியில் இந்திய அணியை வீழ்த்தி தொடரை கைப்பற்றும் எண்ணத்தில் ஆஸ்திரேலியாவும், அதேவேளையில் தொடரை இழக்காமல் இருக்க கட்டாயம் வெற்றி பெற்றே ஆக வேண்டும் என்ற நிலையில் இந்தியாவும் உள்ளது.
இதனால் ஆட்டத்தில் பரபரப்புக்கு பஞ்சம் இருக்காது. இந்தப் போட்டி இந்திய நேரப்படி மதியம் 1.30 மணிக்கு தொடங்கவுள்ளது. மேலும் இப்போட்டியில் 33 % இந்தியா வெற்றி பெறும் என்றும், 67%ஆஸ்திரேலியா வெற்றி பெறும் என்றும் இணையத்தில் பதிவிட்டுள்ளது.
