திருநெல்வேலி – மேட்டுப்பாளையம் சிறப்பு இரயில் சேவை இம்மாதத்துடன் முடிவடைய இருந்த நிலையில், மேலும் ஒரு மாதத்துக்கு நீட்டிக்கப்பட்டுள்ளது.
திருநெல்வேலி – மேட்டுப்பாளையம் இடையே இயக்கப்படும் சிறப்பு இரயில் (வண்டி எண் – 06030) வரும் 31, அடுத்த மாதம் 7, 14, 21, 28-ஆம் தேதி ஆகிய ஞாயிற்றுக்கிழமைகளில் திருநெல்வேலியில் இருந்து இரவு 7 மணிக்கு புறப்பட்டு, தென்காசி வழியாக நள்ளிரவு 1.05 மணிக்கு மதுரை இரயில் நிலையம் வந்தடைகிறது. மறுநாள் காலை 7.30 மணிக்கு மேட்டுப்பாளையம் இரயில் நிலையம் சென்றடையும்.
மறுமார்க்கத்தில் இந்த இரயில் (வண்டி எண் – 06029) ஜனவரி மாதம் 1, 8, 15, 22 மற்றும் 29-ஆம் தேதி ஆகிய திங்கட்கிழமைகளில் மேட்டுப்பாளையத்தில் இருந்து இரவு 7.45 மணிக்கு புறப்பட்டு, நள்ளிரவு 1.15 மணிக்கு மதுரை இரயில் நிலையம் வந்தடைகிறது. தொடர்ந்து தென்காசி வழியாக காலை 7.45 மணிக்கு திருநெல்வேலி சென்றடைகிறது.
இந்த சிறப்பு இரயில், சேரன்மாதேவி, கல்லிடைக்குறிச்சி, அம்பை, கீழக்கடையம், பாவூர்சத்திரம், தென்காசி, கடையநல்லூர், சங்கரன்கோவில், ராஜபாளையம், ஸ்ரீவில்லிபுத்தூர், மதுரை, திண்டுக்கல், பழனி, உடுமலை, பொள்ளாச்சி, கிணத்துக்கடவு, போத்தனூர், கோயம்புத்தூர் ஆகிய இரயில் நிலையங்களில் நின்று செல்லும். இந்த சிறப்பு இரயில் சேவை டிசம்பர் மாதத்துடன் முடிவடைய இருந்த நிலையில், மேலும் ஒரு மாதத்துக்கு நீட்டிட்டு தெற்கு இரயில்வே அறிவித்துள்ளது.
