இந்தியாவில் புதிதாக 636 பேருக்கு கொரோனா பாதிப்பு உறுதி செய்யப்பட்டுள்ளது.
உலகின் பல நாடுகளிலும் கொரோனா பாதிப்பு அதிகரிக்க தொடங்கி உள்ளது. இந்தியாவிலும் கொரோனாவால் பாதிக்கப்பட்டு சிகிச்சை பெறுவோரின் எண்ணிக்கை அதிகமாக உள்ளது.
இந்தியாவில் இன்று காலை 8 மணி நிலவரப்படி புதிதாக 636 பேருக்கு கொரோனா பாதிப்பு உறுதி செய்யப்பட்டுள்ளது. இதன் மூலம் கொரோனாவால் பாதிக்கப்பட்டு சிகிச்சை பெறுவோரின் எண்ணிக்கை 4 ஆயிரத்து 394 ஆக உள்ளது.
கொரோனா பாதிப்பால் 3 பேர் உயிரிழந்தனர். இதன் மூலம் நாட்டில் கொரோனாவால் உயிரிழந்தவர்களின் எண்ணிக்கை 5 இலட்சத்து 33 ஆயிரத்து 364 ஆக உயர்ந்துள்ளது.
கொரோனா பாதிப்பில் இருந்து 548 பேர் டிஸ்சார்ஜ் செய்யப்பட்டுள்ளனர். இதுவரை 4 கோடியே 44 இலட்சத்து 76 ஆயிரத்து 150 பேர் கொரோனா பாதிப்பிலிருந்து மீண்டுள்ளனர்.
