ஜம்மு – காஷ்மீரில் நள்ளிரவு 12.38 மணிக்கு, 3.9 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
ஜம்மு – காஷ்மீரில் நள்ளிரவு 12.38 மணிக்கு நிலநடுக்கம் ஏற்பட்டது. ரிக்டர் அளவுகோலில் 3.9 ஆக பதிவானது. இந்த நிலநடுக்கத்தின் பூமிக்கடியில், 5 கிலோமீட்டர் ஆழத்தில் மையம் கொண்டிருந்ததாக தேசிய நில அதிர்வு மையம் தெரிவித்துள்ளது.
இந்த நிலநடுக்கத்தால், அப்பகுதியில் இருந்த கட்டடங்கள் லேசாக அதிர்ந்தன. இதனால், தூங்கிக் கொண்டிருந்த மக்கள், அச்சமடைந்து வீடுகளை விட்டு வெளியேறி சாலைகளில் தஞ்சமடைந்தனர். நிலநடுக்கம் பாதிப்புகள் குறித்து உடனடி தகவல் வெளியாகவில்லை.
