கோவில் நகரமான அயோத்தி ராமர் கோயிலில் விரைவில் கும்பாபிஷேகம் நடைபெற உள்ளது. கோயிலின் பாதுகாப்புக்கு செயற்கை நுண்ணறிவை (AI) அறிமுகப்படுத்த திட்டமிட்டுள்ளதாக தகவல் வெளியாகியுள்ளது.
உத்திர பிரதேசம் மாநிலம் அயோத்தியில் புதிதாக கட்டப்பட்டுள்ள இராமர் கோவிலில் வருகின்ற 22 ஆம் தேதி கும்பாபிஷேகம் நடைபெறவுள்ளது. இதில் பிரதமர் மோடி கலந்து கொண்டு நிகழ்வை தொடங்கி வைக்கிறார்.
“AI கண்காணிப்பின் முன்னோடித் திட்டம் அயோத்தியில் தொடங்கப்பட வாய்ப்புள்ளது. இது சாத்தியமானால், அது பாதுகாப்பு மற்றும் கண்காணிப்பு பயிற்சியின் ஒருங்கிணைந்த பகுதியாக மாற்றப்படலாம், ”என்று ஒரு மூத்த காவல்துறை அதிகாரி தெரிவித்துள்ளார்.
கோவில் வளாகத்திற்குள் அடிக்கடி வருபவர்கள், சந்தேகத்திற்கிடமான போக்குகளைக் கண்டறியப் AI கருவியை பயன்படுத்தப்படலாம்.
“ராமர் கோவிலுக்கு மிரட்டல் அதிகம் உள்ள நிலையில், அயோத்தியில் உள்ள அனைத்து இயக்கங்களையும் நாங்கள் கடுமையாக கண்காணிக்க வேண்டும், ”என்று அந்த அதிகாரி கூறினார்.
AI கண்காணிப்பைத் தவிர, விழா நடைபெறும் நாளிலும் அதற்குப் பிறகும் அசம்பாவிதம் எதுவும் நடக்காமல் இருக்க, 11,000 மாநில காவல்துறை மற்றும் துணை ராணுவப் படைகள் நகரத்தில் நிறுத்தப்படுவார்கள் எனத் தெரிவித்தார்.
ஜனவரி 22க்கான இறுதிப் பாதுகாப்புத் திட்டம் இன்னும் இறுதி செய்யப்படவில்லை என்றாலும், கையேடு மற்றும் வீடியோ கண்காணிப்பு ஏற்கனவே நடைமுறையில் உள்ளது. ராம் மந்திர் அமைந்துள்ள சிவப்பு மண்டலத்தில் உள்ளூர் புலனாய்வு பிரிவின் சுமார் 38 அதிகாரிகள் நிறுத்தப்பட்டுள்ளதாக பாதுகாப்பு அதிகாரி தெரிவித்தார்.
தற்போது, உ.பி சிறப்புப் பாதுகாப்புப் படையின் (யுபிஎஸ்எஸ்எஃப்) ஒன்பது கம்பெனிகள், மத்திய ரிசர்வ் போலீஸ் படையின் (சிஆர்பிஎஃப்) ஆறு கம்பெனிகள், மாகாண ஆயுதக் காவலர்களின் (பிஏசி) மூன்று கம்பெனிகள் மற்றும் 304 சிவில் போலீஸ் பணியாளர்கள் சிவப்பு மண்டலத்தில் களத்தில் உள்ளனர்.
